ആലപ്പുഴ മെഡിക്കല്‍ കോളജ്​ സൂപ്പർ സ്​പെഷാലിറ്റി പേരിനുമാത്രം

അ​മ്പ​ല​പ്പു​ഴ: കൊ​ട്ടി​ഗ്​ഘോ​ഷി​ച്ച് ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ സൂ​പ്പ​ര്‍ സ്​​പെ​ഷാ​ലി​റ്റി ബ്ലോ​ക്ക് ഉ​ദ്​​ഘാ​ട​നം ന​ട​ത്തി​യെ​ങ്കി​ലും വേ​ണ്ട പ്ര​യോ​ജ​നം ല​ഭി​ച്ചി​ട്ടി​ല്ല.

ന്യൂ​റോ​ള​ജി, കാ​ര്‍ഡി​യോ​ള​ജി, കാ​ര്‍ഡി​യോ തൊ​റാ​സി​ക് ആ​ന്‍ഡ് വാ​സ്‌​കു​ല​ര്‍ സ​ര്‍ജ​റി, നെ​​ഫ്രോ​ള​ജി, ജെ​നി​റ്റോ​യൂ​റി​ന​റി സ​ര്‍ജ​റി, മെ​ഡി​ക്ക​ല്‍ ഗ്യാ​സ്‌​ട്രോ എ​ന്‍ട്രോ​ള​ജി, പ്ലാ​സ്റ്റി​ക് സ​ര്‍ജ​റി, എ​ന്‍ഡോ​ക്രൈ​നോ​ള​ജി, ന്യൂ​റോ​സ​ര്‍ജ​റി എ​ന്നി​ങ്ങ​നെ ഒ​മ്പ​ത് സ്‌​പെ​ഷാ​ലി​റ്റി വി​ഭാ​ഗ​ങ്ങ​ളാ​ണ് പ്ര​വ​ര്‍ത്തി​ക്കു​മെ​ന്ന് പ​റ​ഞ്ഞി​രു​ന്ന​ത്.

കൂ​ടാ​തെ ഐ.​സി.​യു ഉ​ള്‍പ്പെ​ടെ 250 പു​തി​യ കി​ട​ക്ക​ക​ള്‍ വ​രു​ന്ന​തോ​ടെ കൂ​ടു​ത​ല്‍ രോ​ഗി​ക​ളെ കി​ട​ത്തി ചി​കി​ത്സി​ക്കാ​നു​ള്ള സൗ​ക​ര്യ​മൊ​രു​ങ്ങു​മെ​ന്നു​മാ​യി​രു​ന്നു ഉ​റ​പ്പ് ന​ല്‍കി​യി​രു​ന്ന​ത്.

എ​ന്നാ​ല്‍, കാ​ര്‍ഡി​യോ​ള​ജി,കാ​ര്‍ഡി​യോ തൊ​റാ​സി​ക്,ന്യൂ​റോ​ള​ജി,ഗ്യാ​സ്ട്രോ എ​ന്‍ട്രോ​ള​ജി എ​ന്നീ വി​ഭാ​ഗ​ങ്ങ​ളു​ടെ ഒ.​പി​മാ​ത്ര​മാ​ണ് പ്ര​വ​ര്‍ത്തി​ക്കു​ന്ന​ത്. കി​ട​ത്തി​ച്ചി​കി​ത്സ പ​ഴ​യ കെ​ട്ടി​ട​ത്തി​ല്‍ ത​ന്നെ​യാ​ണ്.

മ​തി​യാ​യ ജീ​വ​ന​ക്കാ​രെ നി​യ​മി​ക്കാ​നാ​കാ​ത്ത​താ​ണ് പ്ര​ധാ​ന ത​ട​സ്സം. ഡോ​ക്ട​ര്‍,ന​ഴ്സ്,പാ​രാ​മെ​ഡി​ക്ക​ല്‍ സ്റ്റാ​ഫ് ഉ​ള്‍പ്പെ​ടെ 200ൽ ​അ​ധി​കം ഒ​ഴി​വു​ക​ളാ​ണു​ള്ള​ത്. വി​വി​ധ വി​ഭാ​ഗ​ങ്ങ​ളി​ല്‍ ശ​സ്ത്ര​ക്രി​യ​ക്കു​ള്ള പ്ര​ത്യേ​ക സൗ​ക​ര്യ​ങ്ങ​ളോ​ടെ​യാ​ണ് സൂ​പ്പ​ര്‍ സ്‌​പെ​ഷാ​ലി​റ്റി ബ്ലോ​ക്ക് ആ​രം​ഭി​ച്ച​ത്. എ​ട്ട് മോ​ഡു​ലാ​ര്‍ ഓ​പ​റേ​ഷ​ന്‍ തി​യ​റ്റ​റു​ക​ളാ​ണ് സ​ജ്ജീ​ക​രി​ച്ചി​ട്ടു​ള്ള​ത്. ജ​നു​വ​രി 21നാ​യി​രു​ന്നു സൂ​പ്പ​ര്‍ സ്പെ​ഷാ​ലി​റ്റി കെ​ട്ടി​ട​ത്തി‍െൻറ ഉ​ദ്​​ഘാ​ട​നം. 173.18 കോ​ടി രൂ​പ​യാ​ണ് പ​ദ്ധ​തി ചെ​ല​വ്. ഇ​തി​ല്‍ 120 കോ​ടി രൂ​പ കേ​ന്ദ്ര സ​ര്‍ക്കാ​റും 53.18 കോ​ടി രൂ​പ കേ​ര​ള സ​ര്‍ക്കാ​റു​മാ​ണ് ചെ​ല​വ​ഴി​ച്ചി​ട്ടു​ള്ള​ത്. അ​ത്യാ​ധു​നി​ക മെ​ഡി​ക്ക​ല്‍ ഉ​പ​ക​ര​ണ​ങ്ങ​ള്‍ വാ​ങ്ങാ​നാ​യി 54.35 കോ​ടി രൂ​പ​യും ചെ​ല​വി​ട്ടു.

2014-ലാ​ണ് പ​ദ്ധ​തി ആ​രം​ഭി​ച്ച​തെ​ങ്കി​ലും 2016-ലാ​ണ് നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ തു​ട​ങ്ങി​യ​ത്. ആ​റ് നി​ല​ക​ളി​ലാ​യി 19,984 ച​തു​ര​ശ്ര മീ​റ്റ​ര്‍ വി​സ്തീ​ര്‍ണ​ത്തി​ലാ​ണ് ആ​ശു​പ​ത്രി പ​ണി​ക​ഴി​പ്പി​ച്ച​ത്.

മാ​ലി​ന്യ​സം​സ്‌​ക​ര​ണ പ്ലാ​ന്‍റ്, 1000 കി​ലോ ലി​റ്റ​ര്‍ ശേ​ഷി​യു​ള്ള ജ​ല​സം​ഭ​ര​ണി, എ​യ​ര്‍ ക​ണ്ടീ​ഷ​നി​ങ്, ആ​റ് ലി​ഫ്റ്റ് എ​ന്നി​വ ഇ​തോ​ടൊ​പ്പം സ്ഥാ​പി​ച്ചി​ട്ടു​ണ്ട്.

അ​ത്യാ​ധു​നി​ക സി.​ടി സ്‌​കാ​ന്‍, കാ​ത്ത് ലാ​ബ്, ഡി​ജി​റ്റ​ല്‍ എ​ക്​​സ്‌​റേ യൂ​നി​റ്റ് എ​ന്നി​വ​ക്ക്​ പു​റ​മെ സൗ​രോ​ര്‍ജ പാ​ന​ല്‍, പാ​ര്‍ക്കി​ങ്​ സൗ​ക​ര്യം എ​ന്നി​വ​യും പു​തി​യ സ​മു​ച്ച​യ​ത്തി​നോ​ട് ചേ​ര്‍ന്ന് ഒ​രു​ക്കി​യി​ട്ടു​ണ്ട്. എ​ന്നാ​ല്‍, ഇ​തൊ​ന്നും വേ​ണ്ട​ത്ര പ്ര​യോ​ജ​ന​പ്പെ​ടു​ത്താ​ന്‍ ക​ഴി​ഞ്ഞി​ട്ടി​ല്ല.