ആ​ല​പ്പു​ഴ മെ​ഡി​ക്ക​ല്‍ കോ​ള​ജ്; അ​സൗ​ക​ര്യ​ങ്ങ​ളു​ടെ ചി​കി​ത്സാ​കേ​ന്ദ്രം

അ​മ്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ അ​ത്യാ​ഹി​ത വി​ഭാ​ഗ​ത്തി​ലും പ​രാ​ധീ​ന​ത​ക​ൾ ഏ​റെ. പു​തി​യ കെ​ട്ടി​ട​വും സൂ​പ്പ​ർ സ്​​പെ​ഷ്യാ​ലി​റ്റി സ​മു​ച്ച​യ​വും മ​റ്റും വ​ന്നെ​ങ്കി​ലും ‘ചി​കി​ത്സ’ തേ​ടി​യെ​ത്തു​ന്ന​വ​ർ​ക്ക്​ പ്ര​ധാ​ന ഡോ​ക്ട​ര്‍മാ​രു​ടെ സേ​വ​നം പ​ല​പ്പോ​ഴും ല​ഭി​ക്കാ​റി​ല്ല. ഇ​ത്​ രോ​ഗി​ക​ളെ വ​ല​ക്കു​ക​യാ​ണ്. അ​ത്യാ​ഹി​ത​വി​ഭാ​ഗ​ത്തി​ൽ ഉ​ച്ച​ക്ക് ശേ​ഷം പി​റ്റേ​ന്ന് രാ​വി​ലെ വ​രെ പി.​ജി വി​ദ്യാ​ര്‍ഥി​ക​ളു​ടെ സേ​വ​ന​മാ​ണ് ല​ഭി​ക്കാ​റ്. ദേ​ശീ​യ​പാ​ത​യോ​ര​ത്തെ ഏ​ക മെ​ഡി​ക്ക​ല്‍ കോ​ള​ജ് ആ​ശു​പ​ത്രി യാ​ണി​ത്‌.

അ​തു​കൊ​ണ്ടു​ത​ന്നെ അ​പ​ക​ട​ങ്ങ​ളി​ല്‍പെ​ട്ട് ദി​വ​സേ​ന നി​ര​വ​ധി പേ​രാ​ണ് എ​ത്തു​ന്ന​ത്. പ്ര​ത്യേ​കി​ച്ച് രാ​ത്രി​യാ​ണ് അ​പ​ക​ട​ങ്ങ​ള്‍ ഏ​റെ​യും. ഗു​രു​ത​ര പ​രി​ക്കേ​റ്റ് എ​ത്തു​ന്ന​വ​ര്‍ക്ക് പോ​ലും പ്ര​ധാ​ന ഡോ​ക്ട​ര്‍മാ​രു​ടെ സേ​വ​നം കി​ട്ടാ​റി​ല്ല. ദൂ​ര​സ്ഥ​ല​ത്ത്​ നി​ന്നും അ​ത്യാ​സ​ന്ന​നി​ല​യി​ൽ രോ​ഗി​ക​ളു​മാ​യെ​ത്തു​ന്ന​വ​ര്‍ അ​ത്യാ​ഹി​ത​വി​ഭാ​ഗം അ​ന്വേ​ഷി​ച്ച്​ ന​ട​ക്കേ​ണ്ട സ്ഥി​തി​യാ​ണ്.

അ​ത്യാ​ഹി​ത​വി​ഭാ​ഗ​മെ​ന്ന്​ സൂ​ചി​പ്പി​ക്കു​ന്ന ബോ​ർ​ഡു​ക​ൾ പോ​ലും കാ​ര്യ​മാ​യി​ല്ല. അ​പ​ക​ട​ത്തി​ൽ​പ്പെ​ട്ട് വ​രു​ന്ന​വ​ർ​ക്ക് അ​ടി​യ​ന്ത​ര ശ​സ്ത്ര​ക്രി​യ​ക്കു​ള്ള സൗ​ക​ര്യം പ​രി​മി​ത​മാ​ണ്. ഓ​പ​റേ​ഷ​ൻ തി​യ​റ്റ​റി​ൽ ഓ​ർ​ത്തോ​ക്ക്​ മാ​ത്ര​മാ​യി ഒ​രു ശ​സ്ത്ര​ക്രി​യ ടേ​ബി​ൾ ന​ൽ​കാ​ൻ ന​ട​പ​ടി ഉ​ണ്ടാ​ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ട്​ നാ​ളു​ക​ളാ​യി.

24 മ​ണി​ക്കൂ​റും അ​ന​സ്തേ​ഷ്യ ഡോ​ക്ട​റു​ടെ സാ​ന്നി​ധ്യ​മി​ല്ല. അ​ത്യാ​ഹി​ത വി​ഭാ​ഗ​ത്തി​ലെ​ത്തു​ന്ന രോ​ഗി​ക​ൾ​ക്ക് ഉ​ൾ​പ്പെ​ടെ ഹെ​ൽ​ത്ത് കാ​ർ​ഡ് പ​രി​ര​ക്ഷ ഉ​റ​പ്പു​വ​രു​ത്തു​ന്നി​ല്ല. അ​പ​ക​ട​ത്തി​ല്‍ പ​രി​ക്കേ​റ്റ​വ​രെ സം​ഭ​വ​സ്ഥ​ല​ത്തു​ണ്ടാ​യി​രു​ന്ന​വ​രാ​യി​രി​ക്കും ആ​ശു​പ​ത്രി​യി​ല്‍ എ​ത്തി​ക്കു​ക. പ​രി​ക്കേ​റ്റ് അ​ബോ​ധാ​വ​സ്ഥ​യി​ലാ​യ​വ​രു​ടെ അ​ടി​യ​ന്തി​ര സ്കാ​നി​ങ് ഉ​ള്‍പ്പെ​ടെ​യു​ള്ള പ​രി​ശോ​ധ​ന​യു​ടെ ഫ​ലം കി​ട്ട​ണ​മെ​ങ്കി​ല്‍ പ​ണം അ​ട​ക്ക​ണം.

രോ​ഗി​ക​ളു​മാ​യെ​ത്തി​യ​വ​ര്‍ ഇ​ത് അ​ട​ക്കേ​ണ്ടി​വ​രു​ന്ന സാ​ഹ​ച​ര്യ​മാ​ണി​പ്പോ​ള്‍. അ​ത്യാ​ഹി​ത വി​ഭാ​ഗ​ത്തി​ൽ എ​ത്തു​ന്ന​വ​ർ​ക്കും ഹെ​ൽ​ത്ത്കാ​ർ​ഡി​ന്‍റെ പ്ര​യോ​ജ​നം ഏ​ര്‍പ്പെ​ടു​ത്തി​യാ​ല്‍ ഇ​ത്ത​രം പ്ര​ശ്ന​ങ്ങ​ളും ഒ​ഴി​വാ​ക്കാ​നാ​കും. ആ​രോ​ഗ്യ പ​രി​ര​ക്ഷ കാ​ര്‍ഡ് ഉ​ണ്ടെ​ങ്കി​ലും പ​ണ​മി​ല്ലാ​ത്ത​തി​ന്റെ പേ​രി​ൽ പ​രി​ശോ​ധ​ന ഫ​ലം ല​ഭി​ക്കു​ന്നി​ല്ലെ​ന്ന പ​രാ​തി​യു​ണ്ട്. നേ​ര​ത്തെ പ​ണ​മ​ട​ക്കാ​തെ ഫി​ലിം ന​ൽ​കു​മാ​യി​രു​ന്നു. മൂ​ന്നാ​ഴ്ച മു​മ്പ്​ അ​ത് നി​ർ​ത്തി. അ​പ​ക​ട​ത്തെ​തു​ട​ർ​ന്നും മ​റ്റും ആ​ശു​പ​ത്രി​യി​ൽ എ​ത്തു​ന്ന രോ​ഗി​ക​ൾ​ക്ക് അ​ടി​യ​ന്ത​ര ചി​കി​ത്സ ല​ഭ്യ​മാ​ക​ണ​മെ​ങ്കി​ൽ സി.​ടി ഫി​ലി​മും റി​പ്പോ​ർ​ട്ടും ആ​വ​ശ്യ​മാ​ണ്.

അ​ൾ​ട്രാ​സൗ​ണ്ട് മെ​ഷീ​ന്​ 15 വ​ർ​ഷ​ത്തെ പ​ഴ​ക്കം

ആ​ഴ്ച​യി​ൽ ഒ​രു​ദി​വ​സം മാ​ത്ര​മു​ള്ള ഗ്യാ​സ്ട്രോ ഒ.​പി​യി​ൽ ഡോ​ക്ട​ർ​മാ​രു​ടെ കു​റ​വ് രോ​ഗി​ക​ളെ ഏ​റെ പ്ര​യാ​സ​പ്പെ​ടു​ത്തു​ന്നു. ഒ.​പി സു​ഗ​മ​മാ​യി ന​ട​ത്താ​ൻ കൂ​ടു​ത​ൽ ഡോ​ക്ട​ർ​മാ​രെ നി​യ​മി​ക്ക​ണം. 15 വ​ർ​ഷ​ത്തോ​ളം പ​ഴ​ക്ക​മു​ള്ള അ​ൾ​ട്രാ​സൗ​ണ്ട് മെ​ഷീ​നാ​ണ് നി​ല​വി​ലു​ള്ള​ത്. കൂ​ടു​ത​ൽ വ്യ​ക്ത​മാ​യ പ​രി​ശോ​ധ​നാ​ഫ​ലം ല​ഭി​ക്കാ​ൻ ആ​ധു​നി​ക സൗ​ക​ര്യ​ങ്ങ​ളോ​ടു​കൂ​ടി​യ മെ​ഷീ​ൻ സ്ഥാ​പി​ക്ക​ണം.

നി​ല​വി​ൽ അ​ൾ​ട്രാ സൗ​ണ്ട് ചെ​യ്യാ​ൻ രോ​ഗി​ക​ൾ​ക്ക് ര​ണ്ട് മാ​സ​ത്തോ​ളം കാ​ത്തി​രി​ക്ക​ണം. ആ​വ​ശ്യ​മാ​യ സൗ​ക​ര്യ​ങ്ങ​ൾ ഇ​ല്ലാ​ത്ത ഇ​ടു​ങ്ങി​യ മു​റി​യി​ലാ​ണ് അ​ൾ​ട്രാ​സൗ​ണ്ട് പ​രി​ശോ​ധ​ന ന​ട​ത്തു​ന്ന​ത്. സൗ​ക​ര്യ​പ്ര​ദ​മാ​യ സം​വി​ധാ​നം ഒ​രു​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്.