ആ​ല​പ്പു​ഴ ജില്ല വികസന സമിതി യോഗം; സര്‍ക്കാര്‍ ഓഫിസുകളില്‍ പഞ്ചിങ്​ യന്ത്രങ്ങള്‍ സ്ഥാപിക്കണം

ആ​ല​പ്പു​ഴ: സ​ര്‍ക്കാ​ര്‍ ഓ​ഫീ​സു​ക​ളി​ല്‍ പ​ഞ്ചിങ്​ യ​ന്ത്ര​ങ്ങ​ള്‍ സ്ഥാ​പി​ക്ക​ണ​മെ​ന്ന് ജി​ല്ല ക​ല​ക്ട​ര്‍ ജോ​ണ്‍ വി. ​സാ​മു​വ​ല്‍. പ​ഞ്ചിങ്​ യ​ന്ത്ര​ങ്ങ​ള്‍ സ്പാ​ര്‍ക്കു​മാ​യി ബ​ന്ധി​പ്പി​ക്ക​ണ​മെ​ന്നും ജി​ല്ല വി​ക​സ​ന സ​മി​തി യോ​ഗ​ത്തി​ല്‍ അ​ദ്ദേ​ഹം നി​ർ​ദേ​ശി​ച്ചു. ജി​ല്ല​യി​ലെ സ​ര്‍ക്കാ​ര്‍ ഓ​ഫി​സു​ക​ളു​ടെ ഫ​യ​ലിം​ഗ് സി​സ്റ്റം ഒ​രു മാ​സ​ത്തി​നു​ള്ളി​ല്‍ പൂ​ര്‍ണ​മാ​യും ഇ-​ഓ​ഫി​സി​ലേ​ക്ക് മാ​റ​ണ​മെ​ന്ന് ക​ല​ക്ട​ര്‍ ഉ​ദ്യോ​ഗ​സ്ഥ​ര്‍ക്ക് ക​ര്‍ശ​ന നി​ര്‍ദേ​ശം ന​ല്‍കി. ജ​ന​ങ്ങ​ളി​ല്‍ നി​ന്ന്​ അ​പേ​ക്ഷ സ്വീ​ക​രി​ക്കു​ന്ന​തും മ​റു​പ​ടി ന​ല്‍കു​ന്ന​തു​മു​ള്‍പ്പെ​ടെ എ​ല്ലാ ക​ത്തി​ട​പാ​ടു​ക​ളും ക​ട​ലാ​സ് ര​ഹി​ത​മാ​യി​രി​ക്ക​ണ​മെ​ന്നും നി​ർ​ദേ​ശി​ച്ചു.

ന​വ​കേ​ര​ള സ​ദ​സ്സി​ല്‍ ല​ഭ്യ​മാ​യ പ​രാ​തി​ക​ളി​ല്‍ വി​വി​ധ വ​കു​പ്പു​ക​ള്‍ സ്വീ​ക​രി​ച്ച ന​ട​പ​ടി​ക​ള്‍ ര​ണ്ടു​ദി​വ​സ​ത്തി​ന​കം റി​പ്പോ​ര്‍ട്ട് ചെ​യ്യാ​ന്‍ യോ​ഗം നി​ർ​ദേ​ശി​ച്ചു. ലോ​ക്‌​സ​ഭ തി​ര​ഞ്ഞെ​ടു​പ്പി​ന് മു​മ്പ്​ പ​ദ്ധ​തി നി​ര്‍വ​ഹ​ണം കാ​ര്യ​ക്ഷ​മ​മാ​ക്കി സാ​മ്പ​ത്തി​ക വ​ര്‍ഷ​ത്തി​നു​ള്ളി​ല്‍ 100 ശ​ത​മാ​നം നി​ര്‍വ​ഹ​ണ പു​രോ​ഗ​തി കൈ​വ​രി​ക്കാ​ന്‍ ജി​ല്ല​ത​ല ഉ​ദ്യോ​ഗ​സ്ഥ​ര്‍ക്ക് നി​ര്‍ദേ​ശം ന​ല്‍കി. കാ​യം​കു​ളം മ​ണ്ഡ​ല​ത്തി​ല്‍ ദേ​ശീ​യ​പാ​ത​യി​ലൂ​ടെ യാ​ത്ര അ​തീ​വ ദു​ഷ്‌​ക​ര​മാ​ണെ​ന്നും എ​ത്ര​യും വേ​ഗം കു​ഴി​ക​ള​ട​ച്ച് റോ​ഡ് ഗ​താ​ഗ​ത യോ​ഗ്യ​മാ​ക്ക​ണ​മെ​ന്നും യു. ​പ്ര​തി​ഭ എം.​എ​ല്‍.​എ ആ​വ​ശ്യ​പ്പെ​ട്ടു. പ​രി​ശോ​ധി​ച്ച് ന​ട​പ​ടി സ്വീ​ക​രി​ക്കു​മെ​ന്ന് ദേ​ശീ​യ​പാ​ത അ​തോ​റി​റ്റി പ്ര​തി​നി​ധി ഉ​റ​പ്പു​ന​ല്‍കി.

കാ​യം​കു​ള​ത്ത് ജ​ല അ​തോ​റി​റ്റി​ക്ക് അ​നു​വ​ദി​ച്ച പു​തി​യ ഡി​വി​ഷ​നാ​യി എ​ത്ര​യും വേ​ഗം ഓ​ഫീ​സ് കെ​ട്ടി​ടം സ​ജ്ജ​മാ​ക്ക​ണ​മെ​ന്നും എം.​എ​ല്‍.​എ ആ​വ​ശ്യ​പ്പെ​ട്ടു. ജി​ല്ല​യി​ലെ നി​ര്‍മാ​ണ പ്ര​വൃ​ത്തി​ക​ളി​ലെ കാ​ല​താ​മ​സ​ത്തി​ന് ക​രാ​റു​കാ​രു​ടെ നി​സ്സ​ഹ​ക​ര​ണം കാ​ര​ണ​മാ​കു​ന്നു​വെ​ന്ന് വി​ക​സ​ന സ​മി​തി​യി​ല്‍ പ​ങ്കെ​ടു​ത്ത നി​ർ​വ​ഹ​ണ ഉ​ദ്യോ​ഗ​സ്ഥ​ര്‍ സൂ​ചി​പ്പി​ച്ചു. ക​രാ​ർ വെ​ച്ച​ശേ​ഷം പ​ണി തു​ട​ങ്ങാ​ത്ത​വ​ര്‍, ഇ​ട​ക്ക്​ പ​ണി ഉ​പേ​ക്ഷി​ച്ച് പോ​കു​ന്ന​വ​ര്‍ തു​ട​ങ്ങി​യ ക​രാ​റു​കാ​രെ ക​രി​മ്പ​ട്ടി​ക​യി​ല്‍ ഉ​ള്‍പ്പെ​ടു​ത്ത​ണ​മെ​ന്ന് ക​ല​ക്ട​ര്‍ ആ​വ​ശ്യ​പ്പെ​ട്ടു.

ഇ​ക്കാ​ര്യ​ത്തി​ല്‍ ജ​ന​പ്ര​തി​നി​ധി​ക​ളു​ടെ പി​ന്തു​ണ​യും സ​ഹ​ക​ര​ണ​വും ആ​വ​ശ്യ​പ്പെ​ട്ട ക​ല​ക്ട​ര്‍, ധാ​ര​ണാ​പ​ത്രം ത​യാ​റാ​ക്കു​മ്പോ​ള്‍ ആ​വ​ശ്യ​മാ​യ നി​യ​മ പി​ന്തു​ണ ഉ​റ​പ്പാ​ക്കു​ന്ന വി​ധ​മാ​യി​രി​ക്ക​ണ​മെ​ന്ന് കൂ​ട്ടി​ച്ചേ​ര്‍ത്തു. യോ​ഗ​ത്തി​ല്‍ ജി​ല്ല പ്ലാ​നിം​ഗ് ഓ​ഫീ​സ​ര്‍ എം.​പി. അ​നി​ല്‍കു​മാ​ര്‍, മ​റ്റ് ജി​ല്ലാ​ത​ല ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.