ആലപ്പുഴ കോടതിപ്പാലം വികസനം; ഇറക്കിവിടുമോ, വെറുംകൈയോടെ

ആ​ല​പ്പു​ഴ: കോ​ട​തി​പ്പാ​ലം റോ​ഡി​ന്​ വീ​തി​കൂ​ട്ടാ​നു​ള്ള ന​ട​പ​ടി​യു​ടെ ഭാ​ഗ​മാ​യി മ​ര​ങ്ങ​ൾ മു​റി​ച്ചു​തു​ട​ങ്ങി. മ​ര​ങ്ങ​ൾ​ക്കി​ട​യി​ൽ വ്യാ​പാ​ര സ്ഥാ​പ​ന​ങ്ങ​ൾ ന​ട​ത്തു​ന്ന​വ​ർ അ​ങ്ക​ലാ​പ്പി​ലാ​ണ്. കു​ടി​യൊ​ഴി​പ്പി​ക്ക​ൽ ഉ​റ​പ്പി​ച്ചി​രി​ക്കു​ക​യാ​ണ്​ ഇ​വ​ർ. ഇ​ത്ര​കാ​ല​വും വാ​ട​ക​ന​ൽ​കി ലൈ​സ​ൻ​സു​മെ​ടു​ത്ത്​ പ്ര​വ​ർ​ത്തി​ച്ചു​വ​ന്ന ത​ങ്ങ​ളെ വെ​റും​കൈ​യോ​ടെ ഇ​റ​ക്കി​വി​ടു​മോ എ​ന്നാ​ണ്​ വ്യാ​പാ​രി​ക​ൾ ചോ​ദി​ക്കു​ന്ന​ത്. കി​ഫ്​​ബി ഫ​ണ്ട്​ ഉ​പ​യോ​ഗി​ച്ചാ​ണ്​ റോ​ഡ്​ വി​ക​സ​നം.

1995 കാ​ല​ത്ത് ആ​ല​പ്പു​ഴ​യി​ൽ വി​നോ​ദ​സ​ഞ്ചാ​രം വി​ക​സി​പ്പി​ക്കു​ന്ന​തി​നാ​യി രൂ​പം​ന​ൽ​കി​യ ആ​ല​പ്പു​ഴ ഡെ​വ​ല​പ്​​മെ​ന്റ് അ​തോ​റി​റ്റി​യാ​ണ്​ (എ.​ഡി.​എ)​ വ്യാ​പ​രി​ക​ൾ​ക്ക്​ ക​ച്ച​വ​ടം ന​ട​ത്താ​ൻ അ​നു​മ​തി ന​ൽ​കി​യ​ത്. ആ ​കാ​ല​ത്ത് മ​ലീ​മ​സ​മാ​യി കി​ട​ന്നി​രു​ന്ന വാ​ട​ക്ക​നാ​ൽ തീ​ര​ത്ത് വി​നോ​ദ​സ​ഞ്ചാ​ര വി​ക​സ​ന​ത്തി​നാ​യി സ്വ​ന്തം ചെ​ല​വി​ൽ കി​യോ​സ്കു​ക​ൾ നി​ർ​മി​ക്കാ​ൻ താ​ൽ​പ​ര്യ​മു​ള്ള സം​രം​ഭ​ക​രെ അ​തോ​റി​റ്റി ക്ഷ​ണി​ച്ചി​രു​ന്നു.

അ​ന്ന്​ താ​ൽ​പ​ര്യ​പ​ത്രം ന​ൽ​കി​യ​വ​ർ​ക്കാ​ണ്​ കി​യോ​സ്കു​ക​ളു​ടെ നി​ർ​മാ​ണ​ത്തി​ന്​ അ​നു​മ​തി ന​ൽ​കി​യ​ത്. കി​യോ​സ്കു​ക​ൾ അ​വ​ര​വ​രു​ടെ ചെ​ല​വി​ൽ നി​ർ​മ​ിക്കു​ന്ന​തു​കൊ​ണ്ട് സ്ഥ​ലം സ​ർ​ക്കാ​റി​ന്റേ​താ​ണെ​ങ്കി​ലും കി​യോ​സ്കു​ക​ൾ ഉ​പ​യോ​ഗി​ക്കാ​നു​ള്ള അ​വ​കാ​ശം നി​യ​മ​പ​ര​മാ​യി സം​രം​ഭ​ക​ർ​ക്കാ​ണെ​ന്ന് അ​ന്ന​ത്തെ ക​ല​ക്ട​ർ ഡോ. ​എ​ബ്ര​ഹാം അ​റി​യി​ച്ചി​രു​ന്നു​വെ​ന്ന്​ ഇ​വ​ർ പ​റ​യു​ന്നു.

1996 മു​ത​ലാ​ണ്​ കി​യോ​സ്കു​ക​ൾ തു​റ​ന്നു​പ്ര​വ​ർ​ത്തി​ക്കാ​ൻ തു​ട​ങ്ങി​യ​ത്. പി​ന്നീ​ട് എ.​ഡി.​എ പി​രി​ച്ചു​വി​ടു​ക​യും എ.​ഡി.​എ​യു​ടെ ആ​സ്തി​യും ബാ​ധ്യ​ത​യും ആ​ല​പ്പു​ഴ ന​ഗ​ര​സ​ഭ​ക്ക് കൈ​മാ​റു​ക​യു​മാ​യി​രു​ന്നു. കൈ​മാ​റി​യ അ​ന്നു​മു​ത​ൽ ന​ഗ​ര​സ​ഭ​ക്ക് വാ​ട​ക അ​ട​ച്ചാ​ണ്​ ക​ച്ച​വ​ടം ന​ട​ത്തി​വ​രു​ന്ന​ത്.

24 വ​ർ​ഷ​മാ​യി ഇ​വി​ടെ ക​ച്ച​വ​ടം ചെ​യ്തു​വ​രു​ന്ന ത​ങ്ങ​ളെ ഇ​വി​ടെ​നി​ന്ന്​ ഒ​ഴി​പ്പി​ക്കു​മ്പോ​ൾ ഇ​ത്ര​യും​കാ​ലം​കൊ​ണ്ട്​ നേ​ടി​യ ആ​സ്തി​യും വി​പ​ണി​മൂ​ല്യ​വു​മാ​ണ് ന​ഷ്ട​പ്പെ​ടു​ന്ന​തെ​ന്നാ​ണ്​ വ്യാ​പാ​രി​ക​ൾ പ​റ​യു​ന്ന​ത്.

മ​റ്റൊ​രു ജീ​വ​നോ​പാ​ധി ത​ങ്ങ​ൾ​ക്കി​ല്ലാ​ത്ത​തി​നാ​ൽ ഇ​വി​ടെ​നി​ന്ന്​ മാ​റ്റു​മ്പോ​ൾ സം​ഭ​വി​ക്കു​ന്ന ക​ഷ്ട​ന​ഷ്ട​ങ്ങ​ൾ​ക്കും ത​ങ്ങ​ൾ സ്വ​ന്ത​മാ​യി നി​ർ​മി​ച്ച കെ​ട്ടി​ട​ങ്ങ​ൾ​ക്കും മ​തി​യാ​യ ന​ഷ്ട​പ​രി​ഹാ​രം ന​ൽ​കു​ന്ന​തി​നോ​ടൊ​പ്പം ജീ​വ​നോ​പാ​ധി എ​ന്ന നി​ല​യി​ൽ തൊ​ട്ട​ടു​ത്തു​ത​ന്നെ മു​നി​സി​പ്പ​ൽ സ​ത്ര​ത്തി​ലോ ന​ഗ​ര​ച​ത്വ​ര കെ​ട്ടി​ട​ങ്ങ​ളി​ലോ മ​റ്റൊ​രു ക​ട​മു​റി ന​ൽ​കു​വാ​നു​ള്ള ന​ട​പ​ടി​ക​ളും ചെ​യ്തു ന​ൽ​ക​ണ​മെ​ന്നു​മാ​ണ്​ ഇ​വ​രു​ടെ ആ​വ​ശ്യം.

ഭൂ​മി ന​ഗ​ര​സ​ഭ​യു​ടേ​ത്​ അ​ല്ലാ​തി​രു​ന്നി​ട്ടും അ​വി​ടെ സ്വ​ന്തം നി​ല​യി​ൽ കെ​ട്ടി​ടം നി​ർ​മി​ച്ച്​ ക​ച്ച​വ​ടം ന​ട​ത്തി​വ​ന്ന ത​ങ്ങ​ളി​ൽ​നി​ന്ന്​ ഇ​ത്ര​യും കാ​ലം ന​ഗ​ര​സ​ഭ വാ​ട​ക ഈ​ടാ​ക്കി​യ​ത്​ ഏ​ത്​ നി​യ​മ​പ്ര​കാ​ര​മാ​ണെ​ന്ന ചോ​ദ്യ​വും വ്യാ​പാ​രി​ക​ൾ ഉ​യ​ർ​ത്തു​ന്നു.

ന​ഷ്ട​പ​രി​ഹാ​രം ന​ൽ​കും -എം.​എ​ൽ.​എ

ദേ​ശീ​യ​പാ​ത ഒ​ഴി​പ്പി​ക്ക​ൽ സ​മ​യ​ത്ത്​ വ്യാ​പാ​രി​ക​ൾ​ക്ക്​ ന​ൽ​കി​യ​തു​പോ​ലു​ള്ള ന​ഷ്ട​പ​രി​ഹാ​രം കോ​ട​തി​പ്പാ​ലം ന​വീ​ക​ര​ണ​ത്തി​ന്‍റെ ഭാ​ഗ​മാ​യി ഒ​ഴി​പ്പി​ക്ക​പ്പെ​ടു​ന്ന വ്യാ​പാ​രി​ക​ൾ​ക്കും ല​ഭി​ക്കു​മെ​ന്ന്​ പി.​പി. ചി​ത്ത​ര​ജ്ഞ​ൻ എം.​എ​ൽ.​എ. ഭൂ​മി​ക്ക്​ ന​ഷ്ട​പ​രി​ഹാ​രം ല​ഭി​ക്കി​ല്ല. ഭൂ​മി സ​ർ​ക്കാ​ർ പു​റ​മ്പോ​ക്കാ​ണ്.

പു​റ​മ്പോ​ക്കു​ഭൂ​മി​യി​ൽ ഇ​ത്ര​നാ​ളും വ്യാ​പാ​രം ചെ​യ്യാ​ൻ അ​വ​സ​രം ല​ഭി​ച്ച​ത് ന​ല്ല​കാ​ര്യ​മാ​ണ്. കെ​ട്ടി​ടം പ​ണി​ത​തി​ന്​ ന​ഷ്ട​പ​രി​ഹാ​രം ല​ഭി​ക്കും. വ്യാ​പാ​രം മു​ട​ങ്ങു​ന്ന​തി​നു​ള്ള ന​ഷ്ട​പ​രി​ഹാ​ര​വും ല​ഭി​ക്കും. അ​തെ​ല്ലാം കി​ഫ്​​ബി ഫ​ണ്ടി​ൽ വ​ക​യി​രു​ത്തി​യി​ട്ടു​ണ്ട്. അ​തി​നാ​ൽ വ്യാ​പാ​രി​ക​ൾ​ക്ക്​ ആ​ശ​ങ്ക​വേ​ണ്ടെ​ന്നും അ​ദ്ദേ​ഹം പ​റ​ഞ്ഞു.

ന​ഷ്ട​പ​രി​ഹാ​രം ന​ൽ​കാ​ൻ ക​ഴി​യി​ല്ല -ന​ഗ​ര​സ​ഭ​

ഭൂ​മി സ​ർ​ക്കാ​ർ പു​റ​മ്പോ​ക്കാ​യ​തി​നാ​ൽ അ​വി​ടെ ക​ച്ച​വ​ടം ന​ട​ത്തു​ന്ന​വ​രെ ഒ​ഴി​പ്പി​ക്കു​ന്ന​തി​ന്​ ന​ഗ​ര​സ​ഭ​ക്ക്​ ന​ഷ്ട​പ​രി​ഹാ​രം ന​ൽ​കാ​ൻ ക​ഴി​യി​ല്ലെ​ന്ന്​ ചെ​യ​ർ​പേ​ഴ്​​സ​ൻ കെ.​കെ ജ​യ​മ്മ പ​റ​ഞ്ഞു. ക​ഴി​ഞ്ഞ കൗ​ൺ​സി​ൽ വി​ഷ​യം പ​രി​ഗ​ണി​ച്ചി​രു​ന്നു. ഒ​ഴി​പ്പി​ക്ക​പ്പെ​ടു​ന്ന വ്യാ​പാ​രി​ക​ൾ​ക്ക്​ ന​ഷ്ട​പ​രി​ഹാ​രം ല​ഭി​ക്ക​ണ​മെ​ന്നാ​ണ്​ ന​ഗ​ര​സ​ഭ​യു​ടെ​യും താ​ൽ​പ​ര്യം. നേ​ര​ത്തേ ഡ​വ​ല​പ്​​മെ​ന്‍റ്​ അ​തോ​റി​റ്റി​യു​ടെ സ്ഥ​ല​മാ​യി​രു​ന്നു.

അ​വ​രാ​ണ്​ വ്യാ​പാ​രി​ക​ൾ​ക്ക്​ അ​നു​മ​തി ന​ൽ​കി​യ​ത്. ഡെ​വ​ല​പ്​​മെ​ന്‍റ്​ അ​തോ​റി​റ്റി പി​രി​ച്ചു​വി​ട​പ്പെ​ട്ട​പ്പോ​ൾ ന​ഗ​ര​സ​ഭ​യു​ടെ അ​ധീ​ന​ത​യി​ൽ വ​ന്ന​താ​ണ്. എ​ന്നി​രു​ന്നാ​ലും ഭൂ​മി ന​ഗ​ര​സ​ഭ​യു​ടേ​ത​ല്ല. സ​ർ​ക്കാ​ർ പു​റ​മ്പോ​ക്കാ​ണ്. അ​വി​ടെ​നി​ന്ന്​ ഒ​ഴി​പ്പി​ക്കു​ന്ന​വ​ർ​ക്ക്​ ന​ഷ്ട​പ​രി​ഹാ​രം ന​ൽ​കേ​ണ്ട​തും റ​വ​ന്യൂ വ​കു​പ്പാ​ണ്.

വ്യാ​പാ​രി​ക​ൾ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട്​ ന​ഗ​ര​സ​ഭ​യി​ൽ അ​പേ​ക്ഷ ന​ൽ​കി​യി​രു​ന്നു. അ​തേ​തു​ട​ർ​ന്നാ​ണ്​ വി​ഷ​യം ന​ഗ​ര​സ​ഭ പ​രി​ഗ​ണി​ച്ച​ത്. ന​ഷ്ട​പ​രി​ഹാ​രം ന​ൽ​കു​ന്ന​തി​ന്​ അ​നു​കൂ​ല​മാ​യ നി​ല​പാ​ടാ​ണ്​ ന​ഗ​ര​സ​ഭ​യു​ടേ​തെ​ന്നും ജ​യ​മ്മ പ​റ​ഞ്ഞു.

ന​ഷ്ട​പ​രി​ഹാ​രം ന​ട​പ​ടി തു​ട​ങ്ങി

ജി​ല്ല കോ​ട​തി​പ്പാ​ലം ന​വീ​ക​ര​ണ​ത്തി​ന്​ സ്ഥ​ലം ഏ​റ്റെ​ടു​ക്ക​ലു​മാ​യി ബ​ന്ധ​പ്പെ​ട്ട പു​ന​ര​ധി​വാ​സ പാ​ക്കേ​ജ്​ സ​ർ​ക്കാ​ർ പ്ര​ഖ്യാ​പി​ച്ചി​ട്ടു​ണ്ട്. അ​ത്​ നാ​മ​മാ​ത്ര​മാ​ണെ​ന്നാ​ണ്​ ഒ​ഴി​പ്പി​ക്ക​പ്പെ​ടു​ന്ന​വ​ർ പ​റ​യു​ന്ന​ത്. അ​തെ​ച്ചൊ​ല്ലി​യു​ണ്ടാ​യ ത​ർ​ക്കം നി​മി​ത്തം​ ചി​ല​ർ ഹൈ​കോ​ട​തി​യെ സ​മീ​പി​ച്ചി​ട്ടു​ണ്ട്.

59 പേ​ർ​ക്കു​ള്ള ന​ഷ്ട​പ​രി​ഹാ​രം നേ​ര​ത്തേ പു​റ​ത്തി​റ​ക്കി​യ വി​ജ്ഞാ​പ​ന​ത്തി​ൽ ഉ​ൾ​പ്പെ​ടു​ത്തി​യി​രു​ന്നു. ആ​കെ 25.48 ല​ക്ഷം രൂ​പ​യാ​ണ് ന​ഷ്ട​പ​രി​ഹാ​രം ക​ണ​ക്കാ​ക്കി​യി​രി​ക്കു​ന്ന​ത്. അ​തി​ൽ ആ​ക്ഷേ​പ​മു​ള്ള​വ​രു​ടെ പ​രാ​തി​ക​ൾ കേ​ട്ട്​ കൂ​ടു​ത​ൽ പേ​രെ ന​ഷ്ട​പ​രി​ഹാ​ര​ത്തി​ന്​ ഉ​ൾ​പ്പെ​ടു​ത്തു​മെ​ന്ന്​ അ​റി​യു​ന്നു. പു​റ​മ്പോ​ക്കി​ൽ​നി​ന്ന്​ കു​ടി​യൊ​ഴി​ക്ക​പ്പെ​ടു​ന്ന​വ​ർ​ക്ക് -മാ​സം 5000 രൂ​പ വീ​തം ആ​റു​മാ​സ​ത്തേ​ക്ക് ആ​കെ 30,000 രൂ​പ. കു​ടി​യൊ​ഴി​ക്ക​പ്പെ​ട്ട മാ​ട​ക്ക​ട​ക്കാ​ർ​ക്ക് ഒ​റ്റ​ത്ത​വ​ണ ധ​ന​സ​ഹാ​യം - 25,000 രൂ​പ വീ​തം.

കൈ​ത്തൊ​ഴി​ലാ​ളി​ക​ൾ​ക്കും ചെ​റു​കി​ട വ്യാ​പാ​രി​ക​ൾ​ക്കും ഒ​റ്റ​ത്ത​വ​ണ സ​ഹാ​യം - 50,000 രൂ​പ വീ​തം. കു​ടി​യൊ​ഴു​പ്പി​ക്ക​പ്പെ​ട്ട വാ​ട​ക​ക്കാ​ർ​ക്ക് ഒ​റ്റ​ത്ത​വ​ണ സ​ഹാ​യം -ര​ണ്ടു​ല​ക്ഷം രൂ​പ ഒ​രാ​ൾ​ക്ക്. കു​ടി​യൊ​ഴി​ക്ക​പ്പെ​ട്ട തൊ​ഴി​ലാ​ളി​ക​ൾ​ക്കു​ള്ള ന​ഷ്ട​പ​രി​ഹാ​രം -6000 രൂ​പ വീ​തം ആ​റു​മാ​സ​ത്തേ​ക്ക് ആ​കെ 36,000 എ​ന്നി​ങ്ങ​നെ ന​ഷ്ട​പ​രി​ഹാ​രം ന​ൽ​കു​മെ​ന്നാ​ണ്​ റ​വ​ന്യൂ വ​കു​പ്പ്​ സ്ഥ​ലം ഏ​റ്റെ​ടു​ക്ക​ൽ വി​ഭാ​ഗം അ​ധി​കൃ​ത​ർ പ​റ​യു​ന്ന​ത്.

പാ​ലം പു​ന​ർ​നി​ർ​മാ​ണം 129 കോ​ടി ചെ​ല​വി​ൽ

129 കോ​ടി മു​ട​ക്കി​ലാ​ണ്​ ജി​ല്ല കോ​ട​തി​പ്പാ​ല​ത്തി​ന്റെ പു​ന​ർ​നി​ർ​മാ​ണം വി​ഭാ​വ​ന ചെ​യ്തി​രി​ക്കു​ന്ന​ത്. വാ​ട​ക്ക​നാ​ലി​ന്റെ വ​ട​ക്കേ​ക്ക​ര​യി​ൽ എ​സ്.​ഡി.​വി ഗ്രൗ​ണ്ടി​ന്​ സ​മീ​പ​ത്തു​നി​ന്നും​ തെ​ക്കേ​ക്ക​ര​യി​ൽ ഐ​ശ്വ​ര്യ ഓ​ഡി​റ്റോ​റി​യ​ത്തി​നു മു​ന്നി​ൽ​നി​ന്നും ഫ്ലൈ ​ഓ​വ​റും അ​ടി​പ്പാ​ത​യും ആ​രം​ഭി​ച്ച്‌ പൊ​ലീ​സ് ക​ൺ​ട്രോ​ൾ റൂ​മി​നു സ​മീ​പം അ​വ​സാ​നി​ക്കും.

ആ​ല​പ്പു​ഴ-​അ​മ്പ​ല​പ്പു​ഴ അ​സം​ബ്ലി മ​ണ്ഡ​ല​ങ്ങ​ളെ ബ​ന്ധി​പ്പി​ക്കു​ന്ന​താ​ണ്​ ജി​ല്ല കോ​ട​തി​പ്പാ​ലം. പ​ദ്ധ​തി ന​ട​പ്പാ​കു​ന്ന​തോ​ടെ ന​ഗ​ര​ത്തി​ലെ ഗ​താ​ഗ​ത​ക്കു​രു​ക്കി​ന്​ അ​യ​വു​വ​രും.

വൃ​ക്ഷ​ങ്ങ​ൾ വെ​ട്ടി​മാ​റ്റി​ത്തു​ട​ങ്ങി

പു​തി​യ പാ​ല​ത്തി​ന്റെ ഇ​രു​ക​ര​ക​ളി​ലും​കൂ​ടി നാ​ലു​വ​ശ​ങ്ങ​ളി​ലേ​ക്ക് മേ​ൽ​പാ​ലം വ​രു​ന്ന​തി​ന്റെ ഭാ​ഗ​മാ​യി ഇ​രു​ക​ര​ക​ളി​ലു​മു​ള്ള വൃ​ക്ഷ​ങ്ങ​ൾ വെ​ട്ടി​മാ​റ്റി​ത്തു​ട​ങ്ങി. ഇ​രു​വ​ശ​ങ്ങ​ളി​ലാ​യി 79 വൃ​ക്ഷ​ങ്ങ​ളാ​ണ് നി​ർ​മാ​ണ​ത്തി​നാ​യി വെ​ട്ടി​മാ​റ്റേ​ണ്ട​ത്.

തെ​ക്കേ​ക്ക​ര​യി​ൽ ഔ​ട്പോ​സ്റ്റ്‌ മു​ത​ൽ ഐ​ശ്വ​ര്യ​വ​രെ​യും വ​ട​ക്കേ​ക്ക​ര​യി​ൽ മി​നി സി​വി​ൽ സ്റ്റേ​ഷ​ൻ മു​ത​ൽ ബി​സ്മി വ​രെ​യും ക​നാ​ൽ​ക്ക​ര​യി​ലെ വൃ​ക്ഷ​ങ്ങ​ളാ​ണ്​ വെ​ട്ടി​നീ​ക്കു​ന്ന​ത്. പാ​ലം​നി​ർ​മാ​ണ​ത്തി​നാ​യി ഏ​റ്റെ​ടു​ത്ത സ്ഥ​ല​ത്തെ കെ​ട്ടി​ട​ങ്ങ​ൾ പൊ​ളി​ക്കു​ന്ന ജോ​ലി അ​വ​സാ​ന​ഘ​ട്ട​ത്തി​ലെ​ത്തി.