കടൽ ഇളകിത്തുടങ്ങി, ഭീതിയിൽ തീരദേശം

ആ​റാ​ട്ടു​പു​ഴ: ഭീ​തി നി​റ​ഞ്ഞ കാ​ലാ​വ​സ്ഥ​യാ​ണ് തീ​ര​ദേ​ശ​ത്തും. കു​റെ ദി​വ​സ​ങ്ങ​ളാ​യി അ​ട​ങ്ങി​നി​ന്ന ക​ട​ൽ മ​ഴ​യും കാ​റ്റും ശ​ക്ത​മാ​യ​തോ​ടെ ഇ​ള​കി​ത്തു​ട​ങ്ങി. വ​രും​ദി​വ​സ​ങ്ങ​ളി​ൽ ക​ട​ൽ​ക്ഷോ​ഭം ശ​ക്ത​മാ​കാ​നാ​ണ് സാ​ധ്യ​ത. കടൽ പ്രക്ഷുബ്​ധമായതോടെ ക​ട​ൽ​ഭി​ത്തി ദു​ർ​ബ​ല​മാ​യ പ്ര​ദേ​ശ​ങ്ങ​ളി​ലെ ജ​ന​ങ്ങ​ൾ ക​ടു​ത്ത ഭീ​തി​യി​ലാ​ണ്.

ആ​റാ​ട്ടു​പു​ഴ പ​ഞ്ചാ​യ​ത്തി​ലെ പെ​രു​മ്പ​ള്ളി, ആ​റാ​ട്ടു​പു​ഴ ബ​സ്​​സ്റ്റാ​ൻ​ഡി​ന് വ​ട​ക്ക് ഭാ​ഗം, എം.​ഇ.​എ​സ് ജ​ങ്ഷ​ൻ, കാ​ർ​ത്തി​ക ജ​ങ്ഷ​ൻ, പ​ത്തി​ശ്ശേ​രി​ൽ ജ​ങ്ഷ​ൻ, തൃ​ക്കു​ന്ന​പ്പു​ഴ പ​ഞ്ചാ​യ​ത്തി​ലെ പ്ര​ണ​വം ന​ഗ​ർ, മ​തു​ക്ക​ൽ, പാ​നൂ​ർ, പ​ല്ല​ന തു​ട​ങ്ങി​യ സ്ഥ​ല​ങ്ങ​ളി​ൽ ക​ട​ൽ​ഭി​ത്തി ദു​ർ​ബ​ല​മാ​ണ്. പെ​രു​മ്പ​ള്ളി, എം.​ഇ.​എ​സ് ജ​ങ്ഷ​ൻ എ​ന്നി​വി​ട​ങ്ങ​ളി​ൽ വ​ലി​യ​ഴീ​ക്ക​ൽ-​തൃ​ക്കു​ന്ന​പ്പു​ഴ തീ​ര​ദേ​ശ റോ​ഡ് ത​ക​ർ​ച്ച ഭീ​ഷ​ണി നേ​രി​ടു​ന്നു.

പെ​രു​മ്പ​ള്ളി​യി​ൽ ജി​യോ ബാ​ഗ് അ​ടു​ക്കി തീ​രം സം​ര​ക്ഷി​ക്കാ​നു​ള്ള ന​ട​പ​ടി ആ​രം​ഭി​ച്ചെ​ങ്കി​ലും പ്രാ​രം​ഭ​ത്തി​ൽ​ത​ന്നെ മു​ട​ങ്ങി. തീ​ര​സം​ര​ക്ഷ​ണം ല​ക്ഷ്യ​മി​ട്ട് വ​ർ​ഷ​ങ്ങ​ൾ​ക്കു മു​മ്പ് മം​ഗ​ലം, പ​തി​യാ​ങ്ക​ര, ആ​റാ​ട്ടു​പു​ഴ ബ​സ്​​സ്റ്റാ​ൻ​ഡ്, ക​ള്ളി​ക്കാ​ട് വ​ട്ട​ച്ചാ​ൽ ന​ല്ലാ​ണി​ക്ക​ൽ എ​ന്നി​വി​ട​ങ്ങ​ളി​ൽ ആ​രം​ഭി​ച്ച ടെ​ട്രാ​പോ​ഡ് ഉ​പ​യോ​ഗി​ച്ചു​ള്ള പു​ലി​മു​ട്ടി​ന്റെ നി​ർ​മാ​ണം ഇ​ഴ​ഞ്ഞാ​ണ് നീ​ങ്ങു​ന്ന​ത്. വ​ലി​യ​ഴീ​ക്ക​ൽ തീ​ര​ത്ത് അ​ടു​ത്തി​ടെ ജി​യോ ബാ​ഗ് അ​ടു​ക്കി തീ​രം സം​ര​ക്ഷി​ച്ച​തി​ന്‍റെ ആ​ശ്വാ​സ​ത്തി​ലാ​ണ് നാ​ട്ടു​കാ​ർ.ക​ട​ൽ പ്ര​ക്ഷു​ബ്ധ​മാ​യ​തോ​ടെ മ​ത്സ്യ​ബ​ന്ധ​ന​ത്തി​ന് പോ​കാ​നാ​കാ​തെ വി​ഷ​മി​ക്കു​ക​യാ​ണ് തൊ​ഴി​ലാ​ളി​ക​ൾ.