ഭാര്യ മരിച്ച് അറുപതാം നാൾ ഭർത്താവും മരിച്ചു

മണ്ണഞ്ചേരി: ഭാര്യ മരിച്ച് അറുപതാം നാൾ ഭർത്താവും മരിച്ചു. മണ്ണഞ്ചേരി പഞ്ചായത്ത് 22-ാം വാർഡ് കോച്ചോത്ത് വെളിയിൽ അബൂബക്കർ മുസ്‌ലിയാരാണ് (73) മരിച്ചത്.

കൊവിഡ് ബാധിച്ച് ഭേദമായ ശേഷം വീട്ടിൽ വിശ്രമത്തിലായിരുന്നു. രണ്ട് മാസം മുൻപ് വീട്ടിലെ അഞ്ച് അംഗങ്ങൾക്കും കൊവിഡ് പോസിറ്റീവാകുകയും ഭാര്യ സൗദാ ബീവി കൊവിഡ് ഭേദമായി വീട്ടിൽ വന്ന് അടുത്ത ദിവസം മരിച്ചിരുന്നു. മക്കൾ:കൗലത്ത്,അഷറഫ്,ബുഷ്റ,നിസാമുദ്ദീൻ. മരുമക്കൾ:സുബൈർ,സജീന,എ.കെ സലാഹുദ്ദീൻ (കലവൂർ ടൗൺ ജൂമുഅ മസ്ജിദ് പ്രസിഡന്റ്),സുബിത.