ഓടിക്കൊണ്ടിരുന്ന ടാങ്കറിൽനിന്ന് ആസിഡ് ചോർന്നു

അ​രൂ​ർ: ഓ​ടി​ക്കൊ​ണ്ടി​രു​ന്ന ടാ​ങ്ക​ർ ലോ​റി​യി​ൽ​നി​ന്ന്​ ആ​സി​ഡ് ചോ​ർ​ന്ന​ത് പ​രി​ഭ്രാ​ന്തി പ​ര​ത്തി. ബു​ധ​നാ​ഴ്ച രാ​വി​ലെ ദേ​ശീ​യ​പാ​ത​യി​ൽ ച​ന്തി​രൂ​ർ പാ​ല​ത്തി​ന്​ സ​മീ​പ​മാ​യി​രു​ന്നു സം​ഭ​വം. റോ​ഡി​ൽ ആ​സി​ഡ് ഒ​ഴു​കി​പ്പ​ര​ന്നു.

ലോ​റി ഡ്രൈ​വ​റു​ടെ​യും പൊ​ലീ​സി​ന്‍റെ​യും അ​ഗ്നി​ര​ക്ഷ സേ​ന​യു​ടെ​യും സ​മ​യോ​ചി​ത ഇ​ട​പെ​ട​ലി​ലൂ​ടെ ആ​സി​ഡ് നി​ർ​വീ​ര്യ​മാ​ക്കി​യ​തു​മൂ​ലം വ​ൻ അ​ത്യാ​ഹി​ത​മൊ​ഴി​വാ​യി. കൊ​ച്ചി​യി​ലെ ട്രാ​വ​ൻ​കൂ​ർ കൊ​ച്ചി​ൻ കെ​മി​ക്ക​ൽ​സി​ൽ​നി​ന്ന് കൊ​ല്ലം ച​വ​റ​യി​ലെ കേ​ര​ള മി​ന​റ​ൽ​സ് ആ​ൻ​ഡ്​​ മെ​റ്റ​ൽ​സ് ലി​മി​റ്റ​ഡി​ലേ​ക്ക്​​ ഹൈ​ഡ്രോ​ക്ലോ​റി​ക് ആ​സി​ഡു​മാ​യി പോ​യ ടാ​ങ്ക​റി​ൽ നി​ന്നാ​ണ് ആ​സി​ഡ് ചോ​ർ​ന്ന​ത്. ച​ന്തി​രൂ​ർ പാ​ല​മി​റ​ങ്ങു​മ്പോ​ൾ ലോ​റി​യു​ടെ അ​ടി​ഭാ​ഗം ത​ട്ടി ടാ​ങ്കി​ന്‍റെ വാ​ൽ​വു പൊ​ട്ടി​യ​താ​ണ് ആ​സി​ഡ് ചോ​രാ​ൻ കാ​ര​ണ​മാ​യ​ത്. ആ​സി​ഡ് റോ​ഡി​ൽ വീ​ണ് പു​ക ഉ​യ​രാ​ൻ തു​ട​ങ്ങി​യ​തോ​ടെ ഭ​യ​ന്ന ആ​ളു​ക​ൾ ഓ​ടി ര​ക്ഷ​പ്പെ​ടു​ക​യും ക​ട​ക​ൾ അ​ട​ക്കു​ക​യും ചെ​യ്തു.

ടാ​ങ്കി​ൽ 30 ശ​ത​മാ​നം​മാ​ത്ര​മേ ആ​സി​ഡു​ണ്ടാ​യി​രു​ന്നു​ള്ളു. ചോ​ർ​ച്ച ക​ണ്ട​യു​ട​ൻ ഡ്രൈ​വ​ർ അ​ടു​ത്തു​ള്ള ശാ​ന്തി​ഗി​രി​യു​ടെ സ്ഥാ​പ​ന​ത്തി​ലു​ള്ള വെ​ള്ള​മു​പ​യോ​ഗി​ച്ച് ആ​സി​ഡ് നി​ർ​വീ​ര്യ​മാ​ക്കു​ക​യും വാ​ൽ​വ് പൂ​ട്ടു​ക​യും ചെ​യ്തു. തു​ട​ർ​ന്ന് ദേ​ശീ​യ​പാ​ത​യി​ൽ​നി​ന്ന് ഒ​ഴി​ഞ്ഞ പ​റ​മ്പി​ലേ​ക്ക് ടാ​ങ്ക​ർ ഓ​ടി​ച്ചു മാ​റ്റി.

ദേ​ശീ​യ​പാ​ത​യി​ൽ മ​ണി​ക്കൂ​റു​ക​ളോ​ളം ഗ​താ​ഗ​ത​സ്തം​ഭ​നം ഉ​ണ്ടാ​യി. അ​രൂ​ർ എ​സ്.​ഐ ഹാ​രോ​ൾ​ഡ് ജോ​ർ​ജ്, എ.​എ​സ്.​ഐ ബ​ഷീ​ർ എ​ന്നി​വ​ർ ര​ക്ഷാ​പ്ര​വ​ർ​ത്ത​ന​ത്തി​നും ഗ​താ​ഗ​ത നി​യ​ന്ത്ര​ണ​ത്തി​നും നേ​തൃ​ത്വം കൊ​ടു​ത്തു.