'ലോകമേ തറവാട്' പ്രദര്‍ശനത്തില്‍ ശ്രദ്ധയാകര്‍ഷിച്ച് 'ആപ്' ചിത്രങ്ങള്‍

ആ​ല​പ്പു​ഴ: എ​ന്തി​നും ഏ​തി​നും ആ​പ്പു​ക​ളെ ആ​ശ്ര​യി​ക്കു​ന്ന ഇ​ക്കാ​ല​ത്ത് ആ​പ്പി​ലൂ​ടെ ചി​ത്ര​ര​ച​ന​യും സാ​ധ്യ​മാ​കു​മെ​ന്ന് എ​ത്ര പേ​ര്‍ക്ക​റി​യാം...? എ​ങ്കി​ല്‍ അ​ങ്ങ​നെ ചി​ല ആ​പ്പു​ക​ള്‍ ഉ​ണ്ടെ​ന്നും അ​തി​ലൂ​ടെ ചി​ത്ര​ര​ച​ന സാ​ധ്യ​മാ​കു​മെ​ന്ന​തി​െൻറ നേ​ര്‍സാ​ക്ഷ്യ​മാ​ണ് ജി​ല്ല​യി​ല്‍ ന​ട​ന്നു​വ​രു​ന്ന 'ലോ​ക​മേ ത​റ​വാ​ട്' എ​ന്ന ക​ലാ​പ്ര​ദ​ര്‍ശ​ന​ത്തി​ലെ നി​റ​സാ​ന്നി​ധ്യം രാ​ധാ ഗോ​മ​തി.

എ​റ​ണാ​കു​ളം സ്വ​ദേ​ശി​യാ​യ രാ​ധ കു​ട്ടി​ക്കാ​ലം മു​ത​ല്‍ ചി​ത്ര​ങ്ങ​ള്‍ വ​ര​ക്കും. വ​ര​ക്കൊ​പ്പം എ​ഴു​ത്തും വ​ശ​മു​ള്ള രാ​ധ അ​വി​ചാ​രി​ത​മാ​യാ​ണ് ആ​പ്പി​ലൂ​ടെ​യു​ള്ള ചി​ത്ര​ര​ച​ന​യി​ലേ​ക്ക് ക​ട​ന്നു​വ​ന്ന​ത്.

ചി​ത്രം വ​ര​ക്കാ​ന്‍ തി​ക​ഞ്ഞ ഏ​കാ​ഗ്ര​ത​യും ക്ഷ​മ​യു​മാ​ണ് വേ​ണ്ട​ത്. ത​നി​ക്ക് ഇ​ത് ര​ണ്ടും ഇ​ല്ലെ​ന്ന പ​ക്ഷ​ക്കാ​രി​യാ​ണ് രാ​ധ. ചി​ത്രം വ​രാ​ക്കാ​ൻ പ്ര​ത്യേ​ക സ​മ​യം ക​ണ്ടെ​ത്തു​ക​യോ അ​തി​നു​വേ​ണ്ടി ത​യാ​റെ​ടു​പ്പു​ക​ളോ ന​ട​ത്താ​റി​ല്ല. എ​ന്നാ​ല്‍, വ​ര​യോ​ടു​ള്ള താ​ൽ​പ​ര്യ​വും അ​തി​ല്‍ത​ന്നെ നി​ല​നി​ല്‍ക്ക​ണ​മെ​ന്ന ആ​ഗ്ര​ഹ​വു​മാ​ണ് പു​തി​യ പ​രീ​ക്ഷ​ണ​ത്തി​ലേ​ക്ക് ത​ന്നെ എ​ത്തി​ച്ച​തെ​ന്നും രാ​ധ പ​റ​ഞ്ഞു. 2018ലാ​ണ് 'എ​ച്ച്. ഡ​ബ്ല്യു മെ​മോ' എ​ന്ന ആ​പ്ലി​ക്കേ​ഷ​ന്‍ വ​ഴി രാ​ധ ആ​ദ്യ​മാ​യി ചി​ത്രം വ​ര​ച്ചു​തു​ട​ങ്ങി​യ​ത്. സു​ഹൃ​ത്തു​ക്ക​ള്‍ വ​ഴി​യാ​ണ് ആ​പ്പി​െൻറ സാ​ധ്യ​ത തി​രി​ച്ച​റി​ഞ്ഞ​ത്.

പി​ന്നീ​ട് ലോ​ക്ഡൗ​ണ്‍ കാ​ല​ത്തെ സ​മ്മ​ര്‍ദ​മാ​ണ് ത​ന്നെ മു​ഴു​സ​മ​യ ആ​പ് ക​ലാ​കാ​രി​യാ​ക്കി മാ​റ്റി​യ​തെ​ന്നും രാ​ധ പ​റ​ഞ്ഞു. ലോ​ക്ഡൗ​ണ്‍ കാ​ല​ത്ത് ര​ണ്ടോ മൂ​ന്നോ ദി​വ​സം കൂ​ടു​മ്പോ​ള്‍ ചി​ത്ര​ങ്ങ​ള്‍ വ​ര​ക്കു​ക​യും അ​ത് സ​മൂ​ഹ മാ​ധ്യ​മ​ങ്ങ​ളി​ലൂ​ടെ പ​ങ്കു​വെ​ക്കു​ക​യും ചെ​യ്തു. അ​ത് പി​ന്നീ​ട് ത​െൻറ ഒ​രു ആ​വ​ശ്യ​മാ​യി മാ​റു​ക​യാ​യി​രു​െ​ന്ന​ന്നും രാ​ധ പ​റ​ഞ്ഞു.

വ​ര​ക്കു​ന്ന ഓ​രോ ചി​ത്ര​ത്തി​നൊ​പ്പം ഒ​രു വ​രി ക​വി​ത​കൂ​ടി ചേ​ര്‍ത്താ​ണ് രാ​ധ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ​ങ്കു​വെ​ക്കു​ന്ന​ത്. സ​മൂ​ഹ​ത്തി​ല്‍ പ്ര​ക​ട​മാ​യ കാ​ഴ്ച​ക​ള്‍, ര​ഹ​സ്യ​ങ്ങ​ള്‍, പ്ര​ണ​യം, ക​ല​ഹം എ​ന്നി​വ​യെ​ല്ലാം ഇ​ട​ക​ല​ര്‍ന്ന​താ​ണ് ഓ​രോ ചി​ത്ര​ങ്ങ​ളും. ആ​പ് വ​ഴി വ​ര​ച്ച ചി​ത്ര​ങ്ങ​ളി​ല്‍ ഏ​റ്റ​വും പ്രി​യ​പ്പെ​ട്ട 87 ചി​ത്ര​ങ്ങ​ളാ​ണ് രാ​ധാ ഗോ​മ​തി ലോ​ക​മേ ത​റ​വാ​ട് ക​ല പ്ര​ദ​ര്‍ശ​ന​ത്തി​ല്‍ ഉ​ള്‍പ്പെ​ടു​ത്തി​യി​ട്ടു​ള്ള​ത്. ചി​ത്രം വ​ര​ക്കാ​ന്‍ ആ​പ് ഉ​പ​യോ​ഗി​ക്കു​ന്നു​ണ്ടെ​ന്ന്​ അ​ത് ക​ണ്ടു​പി​ടി​ച്ച​വ​ര്‍പോ​ലും വി​ചാ​രി​ച്ചു കാ​ണി​ല്ലെ​ന്നും രാ​ധ പ​റ​യു​ന്നു. മ​ന​സ്സിെൻറ വേ​ഗ​മ​നു​സ​രി​ച്ച് ആ​പ് ഉ​പ​യോ​ഗി​ക്കാ​ന്‍ സാ​ധി​ക്കു​ന്നു എ​ന്നു​ള്ള​താ​ണ് ആ​പ് ചി​ത്ര​ര​ച​ന​യി​ലേ​ക്ക് ത​ന്നെ കൂ​ടു​ത​ല്‍ അ​ടു​പ്പി​ച്ച​തെ​ന്നും അ​വ​ര്‍ പ​റ​ഞ്ഞു.

ചി​ത്ര​ര​ച​ന​ക്കൊ​പ്പം സു​ഹൃ​ത്തു​മാ​യി ചേ​ര്‍ന്നു 'ഏ​ക ര​സ' എ​ന്ന പു​തി​യ ചു​വ​ടു​വെ​പ്പി​ലേ​ക്ക് നീ​ങ്ങു​ക​യാ​ണ് രാ​ധ.

ക​ല​യു​മാ​യി ബ​ന്ധ​പ്പെ​ട്ട് ക​ല​യെ പ്രോ​ത്സാ​ഹി​പ്പി​ക്കാ​നാ​യി വ​ര്‍ക്ക്ഷോ​പ്പു​ക​ള്‍, ക​ലാ​പ്ര​ദ​ര്‍ശ​ന​ങ്ങ​ള്‍ എ​ന്നി​വ​യാ​ണ് ഏ​ക ര​സ​യു​ടെ ല​ക്ഷ്യം.