803 പേർക്ക് കോവിഡ്; 1535 പേർക്ക് രോഗമുക്തി

* ടെസ്​റ്റ്​ പോസിറ്റിവിറ്റി നിരക്ക് 11.76 ആലപ്പുഴ: ജില്ലയിൽ തിങ്കളാഴ്ച 803 പേർക്ക് കൂടി കോവിഡ്​ സ്ഥിരീകരിച്ചു. 1535 പേർ രോഗമുക്തരായി. 11.76 ശതമാനമാണ് ടെസ്​റ്റ്​ പോസിറ്റിവിറ്റി നിരക്ക്. 794 പേർക്ക് സമ്പർക്കത്തിലൂടെയാണ് രോഗബാധ. എട്ടു പേരുടെ സമ്പർക്ക ഉറവിടം വ്യക്തമല്ല. ആരോഗ്യ പ്രവർത്തകരിൽ ഒരാൾക്ക് രോഗം സ്ഥിരീകരിച്ചിട്ടുണ്ട്. ആകെ 1,66,779 പേർ രോഗമുക്തരായി. 14,336 പേർ ചികിത്സയിലുണ്ട്. 2442 ഭിന്നശേഷിക്കാർക്ക് വാക്‌സിൻ ലഭ്യമാക്കി ആലപ്പുഴ: കോവിഡ് വാക്സിനേഷൻ ലഭിക്കുന്നതിനുള്ള മുൻഗണന വിഭാഗത്തിൽപെട്ട 2441 ഭിന്നശേഷിക്കാർക്ക് ജില്ലയിൽ വാക്സിനേഷൻ നൽകി. സാമൂഹികനീതി വകുപ്പി​ൻെറയും ആരോഗ്യവകുപ്പി​ൻെറയും ആഭിമുഖ്യത്തിൽ വനിത ശിശുവികസന വകുപ്പി​ൻെറയും തദ്ദേശ വകുപ്പി​ൻെറയും കോവിഡ് ബ്രിഗേഡ് സന്നദ്ധസേനയുടെയും സഹായത്തോടെയാണ് പ്രത്യേക ക്യാമ്പുകൾ സംഘടിപ്പിച്ച് വാക്‌സിൻ ലഭ്യമാക്കിയത്. അംഗൻവാടി വർക്കർമാർ, ഐ.സി.ഡി.എസ് സൂപ്പർവൈസർമാർ, കുടുംബശ്രീ പ്രവർത്തകർ, കോവിഡ് ബ്രിഗേഡ് സന്നദ്ധ പ്രവർത്തകർ എന്നിവർ പ്രാദേശിക തലത്തിൽ പ്രവർത്തനങ്ങൾ ഏകോപിപ്പിച്ചു. വാക്‌സിനേഷൻ രജിസ്‌ട്രേഷൻ പൂർത്തീകരിച്ച 18-44 വയസ്സുള്ള 1,016 ഭിന്നശേഷിക്കാർക്കും 45 വയസ്സിന് മുകളിലുള്ള 1,425 ഭിന്നശേഷിക്കാർക്കുമാണ് വാക്സിൻ ലഭ്യമാക്കിയത്. ശയ്യാവലംബരായ ഭിന്നശേഷിക്കാർക്കായി പാലിയേറ്റിവ് കെയറുമായി ബന്ധപ്പെട്ട് പ്രത്യേക സംവിധാനമൊരുക്കുന്നതിനുള്ള നടപടി ആരംഭിച്ചതായി ജില്ല സാമൂഹിക നീതി ഓഫിസർ എ.ഒ. അബിൻ പറഞ്ഞു.