ഭ​ക്ഷ്യ​സു​ര​ക്ഷ വ​കു​പ്പ്​ പരിശോധന: ആ​ല​പ്പു​ഴ ജില്ലയിൽ 502 കിലോ മത്സ്യം നശിപ്പിച്ചു

ആ​ല​പ്പു​ഴ: ജി​ല്ല​യി​ൽ ഭ​ക്ഷ്യ​സു​ര​ക്ഷ വ​കു​പ്പ്​ ന​ട​ത്തി​യ പ​രി​ശോ​ധ​ന​യി​ൽ പി​ടി​കൂ​ടി ന​ശി​പ്പി​ച്ച​ത്​ 502 കി​ലോ പ​ഴ​കി​യ മ​ത്സ്യം. ഇ​തി​ൽ 300 കി​ലോ ഫോ​ർ​മാ​ലി​ൻ ചേ​ർ​ത്ത മ​ത്സ്യ​വു​മു​ണ്ട്​. ഫു​ഡ് ​സേ​ഫ്റ്റി ഓ​ഫി​സ​ർ​മാ​രു​ടെ നേ​തൃ​ത്വ​ത്തി​ൽ അ​രൂ​ർ മു​ത​ൽ ചെ​ങ്ങ​ന്നൂ​ർ​വ​രെ​യു​ള്ള മ​ത്സ്യ​മാ​ർ​ക്ക​റ്റു​ക​ളും ലേ​ല​വി​പ​ണി​ക​ളും കേ​ന്ദ്രീ​ക​രി​ച്ച്​ ന​ട​ത്തി​യ സ്​​​പെ​ഷ​ൽ ഡ്രൈ​വി​ലാ​ണ്​ ഫോ​ർ​മാ​ലി​ൻ ചേ​ർ​ത്ത മ​ത്സ്യം ഉ​ൾ​പ്പെ​ടെ പ​ഴ​കി​യ​മ​ത്സ്യം പി​ടി​കൂ​ടി​യ​ത്.

'ഓ​പ​റേ​ഷ​ൻ മ​ത്സ്യ'​യു​ടെ ഭാ​ഗ​മാ​യി ഭ​ക്ഷ്യ​സു​ര​ക്ഷ വ​കു​പ്പ്​ നേ​തൃ​ത്വ​ത്തി​ൽ ഫി​ഷ​റീ​സ് വ​കു​പ്പും ആ​രോ​ഗ്യ​വ​കു​പ്പും ചേ​ർ​ന്ന്​ 117 പ​രി​ശോ​ധ​ന​ക​ളാ​ണ്​ ന​ട​ത്തി​യ​ത്. ആ​ല​പ്പു​ഴ വ​ഴി​ച്ചേ​രി മാ​ർ​ക്ക​റ്റി​ൽ​നി​ന്ന്​ ഫോ​ർ​മാ​ലി​ൻ ചേ​ർ​ത്ത​തും പ​ഴ​കി​യ​തു​മാ​യ 107 കി​ലോ, ചെ​ങ്ങ​ന്നൂ​ർ കൊ​ല്ല​ക​ട​വ് മാ​ർ​ക്ക​റ്റി​ൽ​നി​ന്ന്​ 90 കി​ലോ, ഹ​രി​പ്പാ​ട് മാ​ർ​ക്ക​റ്റി​ൽ​നി​ന്ന്​ 300 കി​ലോ മ​ത്സ്യ​വു​മാ​ണ്​ പി​ടി​കൂ​ടി ന​ശി​പ്പി​ച്ച​ത്. 27 സ്ഥാ​പ​ന​ങ്ങ​ൾ​ക്ക്​ നോ​ട്ടീ​സ്​ ന​ൽ​കി. നാ​ല്​ സ്ഥാ​പ​ന​ങ്ങ​ൾ​ക്ക് പി​ഴ ചു​മ​ത്തും. ഫോ​ർ​മാ​ലി​ന്‍റെ സാ​മ്പി​ൾ ശേ​ഖ​രി​ച്ച്​ തി​രു​വ​ന​ന്ത​പു​ര​ത്തെ ഗ​വ. അ​ന​ലി​റ്റി​ക്ക​ൽ ലാ​ബി​ലേ​ക്ക്​ പ​രി​ശോ​ധ​ന​ക്ക്​ അ​യ​ച്ചു. രാ​സ​വ​സ്തു​ക്ക​ൾ അ​ട​ങ്ങി​യ മീ​ൻ പി​ടി​കൂ​ടി​യാ​ൽ പി​ഴ​യ​ട​ച്ച്​ ര​ക്ഷ​പെ​ടാ​തി​രി​ക്കാ​ൻ ക​ടു​ത്ത ന​ട​പ​ടി​യു​ണ്ടാ​കു​മെ​ന്ന്​ ​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി.

മാ​യം തി​രി​ച്ച​റി​യാ​നാ​കാ​തെ

ക​ർ​ണാ​ട​ക, ആ​ന്ധ്ര, ത​മി​ഴ്നാ​ട് അ​ട​ങ്ങു​ന്ന സം​സ്ഥാ​ന​ങ്ങ​ളി​ൽ​നി​ന്ന്​ ക​ണ്ടെ​യ്​​ന​റു​ക​ളി​ൽ എ​ത്തു​ന്ന മ​ത്സ്യ​ങ്ങ​ളി​ലാ​ണ്​​ ഫോ​ർ​മാ​ലി​ൻ, അ​മോ​ണി​യ​പോ​ലു​ള്ള രാ​സ​വ​സ്തു​ക്ക​ൾ ചേ​ർ​ക്കു​ന്ന​ത്. ഇ​വ ക​ല​ർ​ത്തി​യ മ​ത്സ്യ​ത്തി​ലെ മാ​യം പ​ല​പ്പോ​ഴും ഉ​പ​ഭോ​ക്താ​ക്ക​ൾ​ക്ക്​ തി​രി​ച്ച​റി​യാ​നാ​വി​ല്ല.

ഇ​ട​ക്കി​ടെ ഭ​ക്ഷ്യ​സു​ര​ക്ഷ വി​ഭാ​ഗം മാ​ർ​ക്ക​റ്റു​ക​ൾ കേ​ന്ദ്രീ​ക​രി​ച്ച്​ ന​ട​ത്തു​ന്ന പ​രി​ശോ​ധ​ന​യി​ൽ മാ​ത്ര​മാ​ണ്​ ഫോ​ർ​മാ​ലി​ന്‍റെ സാ​ന്നി​ധ്യം ത​ന്നെ ക​ണ്ടെ​ത്തു​ന്ന​ത്. പ​രി​ശോ​ധ​ന​ക​ൾ ക​ഴി​യു​മ്പോ​ൾ വീ​ണ്ടും പ​ഴ​യ​പ​ടി​യാ​കും. കേ​ടു​കൂ​ടാ​തി​രി​ക്കാ​ൻ ചൂ​ര, കേ​ര, വ​റ്റ, ആ​വോ​ലി അ​ട​ക്ക​മു​ള്ള​യി​ലാ​ണ്​ ഫോ​ർ​മാ​ലി​ൻ ക​ല​ർ​ത്തു​ന്ന​ത്. എ​ന്നാ​ൽ, മ​ത്സ്യ​ങ്ങ​ളു​ടെ ഗു​ണ​നി​ല​വാ​രം പ​രി​ശോ​ധി​ക്കാ​ൻ സം​വി​ധാ​ന​മി​ല്ല.

ഫോ​ര്‍മാ​ലി​ന്‍ അ​പ​ക​ട​കാ​രി

അ​ര്‍ബു​ദ​ത്തി​ന്​ കാ​ര​ണ​മാ​കു​ന്ന ഫോ​ര്‍മാ​ള്‍ഡി​ഹൈ​ഡ് എ​ന്ന രാ​സ​പ​ദാ​ര്‍ഥ​ത്തി​ല്‍നി​ന്നാ​ണ് ഫോ​ര്‍മാ​ലി​ന്‍ വേ​ര്‍തി​രി​ച്ചെ​ടു​ക്കു​ന്ന​ത്. മോ​ര്‍ച്ച​റി​ക​ളി​ല്‍ മൃ​ത​ദേ​ഹ​ങ്ങ​ള്‍ കേ​ടാ​കാ​തി​രി​ക്കാ​നാ​ണ്​ പ്ര​ധാ​ന​മാ​യും ഉ​പ​യോ​ഗി​ക്കു​ന്ന​ത്. ഫോ​ര്‍മാ​ലി​ന്റെ ഉ​പ​യോ​ഗം ഛര്‍ദി, കു​ട​ൽ​പു​ണ്ണ്, മ​റ്റ് ഉ​ദ​ര​രോ​ഗ​ങ്ങ​ള്‍ എ​ന്നി​വ​യു​ണ്ടാ​കും.

പഴകിയ മത്സ്യ വിൽപന തകൃതി; പരിശോധനയില്ല

വൈ​പ്പി​ൻ: പ​ഴ​കി​യ​തും രാ​സ​വ​സ്തു​ക്ക​ൾ ക​ല​ർ​ത്തി​യ​തു​മാ​യ മ​ത്സ്യ​ങ്ങ​ൾ വി​ൽ​ക്കു​ന്ന​താ​യി പ​രാ​തി. പ​ഴ​കി​യ മ​ത്സ്യ​വി​ൽ​പ​ന ത​ട​യാ​ൻ ന​ഗ​ര​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തു​ന്ന പ​രി​ശോ​ധ​ന ഗ്രാ​മ​പ്ര​ദേ​ശ​ങ്ങ​ളി​ലും വ്യാ​പി​പ്പി​ക്ക​ണ​മെ​ന്ന് ആ​വ​ശ്യ​മു​യ​രു​ന്നു. ത​ദ്ദേ​ശീ​യ​മാ​യി പി​ടി​ക്കു​ന്ന മ​ത്സ്യ​ങ്ങ​ൾ​ക്ക് വി​ല ഏ​റി​യ​തി​നാ​ൽ മ​റ്റ് സ്ഥ​ല​ങ്ങ​ളി​ൽ നി​ന്നു​ള്ള മീ​നു​ക​ളാ​ണ് വ്യാ​പ​ക​മാ​യി മീ​ൻ ത​ട്ടു​ക​ളി​ലും മ​റ്റും വി​ൽ​പ​ന​ക്ക്​ എ​ത്തു​ന്ന​ത്. ഇ​ത​ര സം​സ്ഥാ​ന​ങ്ങ​ളി​ൽ​നി​ന്ന് അ​ട​ക്കം ക​ണ്ടെ​യ്ന​ർ ലോ​റി​ക​ളി​ൽ എ​ത്തി​ക്കു​ന്ന ഇ​വ ഏ​തെ​ങ്കി​ലും കേ​ന്ദ്ര​ത്തി​ൽ ​വെ​ച്ച് ചെ​റു വാ​ഹ​ന​ങ്ങ​ളി​ലേ​ക്ക് പ​ക​ർ​ത്തി​യാ​ണ് ചെ​റു​കി​ട ക​ച്ച​വ​ട​ക്കാ​ർ​ക്ക് വി​ത​ര​ണം ചെ​യ്യു​ന്ന​ത്. മ​റ്റ് സം​സ്ഥാ​ന​ങ്ങ​ളി​ലെ തീ​ര​ദേ​ശ മേ​ഖ​ല​ക​ളി​ൽ​നി​ന്ന് കു​റ​ഞ്ഞ വി​ല​യ്ക്ക് ല​ഭി​ക്കു​ന്ന മീ​ൻ ആ​ഴ്ച​ക​ളോ​ളം കേ​ടു​കൂ​ടാ​തെ ഇ​രി​ക്കാ​ൻ രാ​സ​വ​സ്തു പ്ര​യോ​ഗം ന​ട​ത്തി​യാ​ണ് വാ​ഹ​ന​ങ്ങ​ളി​ൽ ക​യ​റ്റി വി​ടു​ന്ന​ത്. കാ​ഴ്ച​യി​ൽ ക​ബ​ളി​പ്പി​ക്കാ​ൻ പ​റ്റു​ന്ന ത​ര​ത്തി​ലാ​ണ് ഇ​വ വി​ൽ​പ​ന​ക്ക്​ എ​ത്തി​ക്കു​ന്ന​ത്. പ​രി​ശോ​ധ​ന​യി​ലൂ​ടെ മാ​ത്ര​മേ പ​ഴ​ക്ക​വും പ്ര​യോ​ഗി​ച്ചി​ട്ടു​ള്ള രാ​സ​വ​സ്തു​ക്ക​ളു​ടെ വി​വ​ര​വും ക​ണ്ടെ​ത്താ​ൻ ക​ഴി​യു​ക​യു​ള്ളൂ. എ​ന്നി​ട്ടും യാ​തൊ​രു ത​ര​ത്തി​ലു​ള്ള പ​രി​ശോ​ധ​ന​യും ന​ട​ക്കു​ന്നി​ല്ലെ​ന്നും നാ​ട്ടു​കാ​ർ പ​രാ​തി പ​റ​യു​ന്നു. പി​ടി​കൂ​ടി​യാ​ൽ ത​ന്നെ പേ​രി​ന് സാ​മ്പി​ൾ എ​ടു​ത്ത​ശേ​ഷം ലോ​ഡ് കു​ഴി​ച്ചു​മൂ​ടു​ന്ന​താ​ണ് രീ​തി . കേ​സു​ക​ളും ദു​ർ​ബ​ല​മാ​യി​രി​ക്കും. ഈ ​സാ​ഹ​ച​ര്യ​ത്തി​ൽ മ​റ്റി​ട​ങ്ങ​ളി​ൽ​നി​ന്നും എ​ത്തു​ന്ന മീ​ൻ പ​രി​ശോ​ധി​ച്ച് ഭ​ക്ഷ്യ​യോ​ഗ്യ​മാ​ണെ​ന്ന്​ ഉ​റ​പ്പു​വ​രു​ത്താ​ൻ പ​ഞ്ചാ​യ​ത്തു​ക​ൾ സം​വി​ധാ​നം ഏ​ർ​പ്പെ​ടു​ത്ത​ണ​മെ​ന്നാ​ണ് ആ​വ​ശ്യം.