എച്ച്​ 1 എൻ1: 17 കേസ്​; രണ്ടുമരണം

ആലപ്പുഴ: ജില്ലയിൽ എച്ച്1 എൻ1 പനി ബാധിച്ച് രണ്ടുമരണം. ഈമാസം ഇതുവരെ 17 കേസ് റിപ്പോർട്ട് ചെയ്തു. പനി ബാധിതരുടെ എണ്ണം ഉയർന്നതോടെ ആരോഗ്യവകുപ്പ് പുറത്തുവിട്ട കണക്കിലാണ് ഈ വിവരം. മറ്റ് അസുഖം ബാധിച്ച് രണ്ടാഴ്ചയായി ചികിത്സയിലിരിക്കെയാണ് ഇവരുടെ മരണമെന്നാണ് അധികൃതരുടെ വിശദീകരണം.

പേരുവിവരങ്ങൾ വ്യക്തമാക്കിയിട്ടില്ല. സാധാരണ പനിയുടെ ലക്ഷണങ്ങളാണെങ്കിലും വായുവിലൂടെ പകരുന്നതിനാൽ ആശങ്കയുണ്ട്. ഇക്കാര്യത്തിൽ ആരോഗ്യവകുപ്പിന് ഗുരുതര വീഴ്ചയുള്ളതായി പരാതിയുണ്ട്. ഈമാസം തുടക്കം മുതൽ എച്ച്1, എൻ1 കേസുകൾ റിപ്പോർട്ട് ചെയ്തിട്ടും വിവരം പുറത്തുവിട്ടിരുന്നില്ല. ചികിത്സയിലിരിക്കെ രണ്ടുപേർ മരണത്തിന് കീഴടങ്ങിയിട്ടും അക്കാര്യം പുറത്തുവിടുകയോ ജാഗ്രതനിർദേശം നൽകുകയോ ചെയ്തിട്ടില്ല. രോഗബാധിതരുടെ പ്രദേശങ്ങളിലുള്ളവരിൽ നിന്നുപോലും ഇക്കാര്യം മറച്ചുവെച്ചത് ഗുരുതര വീഴ്ചയാണെന്നാണ് ആരോപണം. മഴ തുടങ്ങിയതോടെ ജില്ലയില്‍ പനിബാധിതരുടെ എണ്ണം ഓരോദിവസവും കൂടുകയാണ്. അണുബാധയേറ്റാണ് രണ്ടു മരണവും.

പ​ട​രു​ന്ന​ത്​ വാ​യു​വി​ലൂ​ടെ

തു​മ്മു​മ്പോ​ഴും മൂ​ക്ക് ചീ​റ്റു​മ്പോ​ഴും വാ​യു​വി​ൽ കൂ​ടി​യാ​ണ് പ്ര​ധാ​ന​മാ​യും രോ​ഗം പ​ട​രു​ന്ന​ത്. പ​നി, ചു​മ, തൊ​ണ്ട​വേ​ദ​ന, തു​ട​ർ​ച്ച​യാ​യ തു​മ്മ​ൽ, മൂ​ക്കൊ​ലി​പ്പ്, ശ്വാ​സ ത​ട​സ്സം, ഛർ​ദി തു​ട​ങ്ങി​യ ല​ക്ഷ​ണ​ങ്ങ​ൾ ഉ​ണ്ടെ​ങ്കി​ൽ എ​ത്ര​യും പെ​ട്ടെ​ന്ന് ചി​കി​ത്സ തേ​ട​ണം. ഗ​ർ​ഭി​ണി​ക​ൾ, കു​ട്ടി​ക​ൾ, പ്രാ​യ​മാ​യ​വ​ർ, മ​റ്റു രോ​ഗ​ങ്ങ​ൾ​ക്ക്​ ചി​കി​ത്സ​യി​ലി​രി​ക്കു​ന്ന​വ​ർ തു​ട​ങ്ങി​യ​വ​ർ പ്ര​ത്യേ​കം ശ്ര​ദ്ധി​ക്ക​ണം. കൃ​ത്യ​മാ​യ പ്ര​തി​രോ​ധ ശീ​ല​ങ്ങ​ൾ പാ​ലി​ക്ക​ണം. തു​മ്മു​മ്പോ​ഴും ചു​മ​യ്ക്കു​മ്പോ​ഴും മൂ​ക്കും വാ​യും തൂ​വാ​ല ഉ​പ​യോ​ഗി​ച്ച് മൂ​ട​ണം. എ​ന്തെ​ങ്കി​ലും

രോ​ഗ​ല​ക്ഷ​ണം ഉ​ള്ള​വ​ർ മാ​സ്‌​ക് ധ​രി​ക്ക​ണം. രോ​ഗ​ല​ക്ഷ​ണ​ങ്ങ​ൾ ഉ​ള്ള​പ്പോ​ൾ തൊ​ഴി​ലി​ട​ങ്ങ​ളി​ലും പൊ​തു​സ്ഥ​ല​ങ്ങ​ളി​ലും പോ​കു​ന്ന​ത് ഒ​ഴി​വാ​ക്ക​ണം.

മ​റ്റു​ള്ള​വ​രി​ൽ​നി​ന്നും അ​ക​ലം പാ​ലി​ക്ക​ണം. പ​നി​യു​ള്ള​പ്പോ​ൾ കു​ട്ടി​ക​ളെ സ്‌​കൂ​ളി​ൽ വി​ട​രു​ത്. എ​ന്തെ​ങ്കി​ലും ബു​ദ്ധി​മു​ട്ട് തോ​ന്നി​യാ​ൽ സ്വ​യം ചി​കി​ത്സി​ക്കാ​തെ ആ​രോ​ഗ്യ സ്ഥാ​പ​ന​ത്തി​ൽ എ​ത്ത​ണ​​മെ​ന്നും ഡി.​എം.​ഒ അ​റി​യി​ച്ചു.