സർക്കാർ വടിയെടുത്തിട്ടും വഴങ്ങാതെ അധ്യാപകർ; ഇനിയും വാക്​സിനെടുക്കാതെ 89 പേർ

വാക്​സിനെടുക്കാത്തവരുടെ വിവരങ്ങൾ ബന്ധപ്പെട്ടവർക്ക്​ കൈമാറിയെന്ന്​ വിദ്യാഭ്യാസ ഡെപ്യൂട്ടി ഡയറക്ട​ർ ആലപ്പുഴ: സർക്കാർ വടിയെടുത്തിട്ടും ജില്ലയിൽ ഇനിയും കോവിഡ്​ വാക്​സിനെടുക്കാത്ത 89 അധ്യാപകർ. സ്​കൂൾ തുറന്ന്​ ഒരുമാസം പിന്നിടു​േമ്പാൾ മന്ത്രിയുടെ കർശന നിർദേശത്തെത്തുടർന്ന്​​ ആലപ്പുഴ വിദ്യാഭ്യാസ ഉപഡയറക്​ടർ വിദ്യാഭ്യാസവകുപ്പിന്​ കൈമാറിയ കണക്കിലാണ്​ ഇക്കാര്യം വ്യക്തമാക്കുന്നത്​. സ്​കൂൾ തുറന്ന നവംബറിൽ 122​ അധ്യാപകരാണ്​ വാക്​സിൻ എടുക്കാതിരുന്നത്​. പിന്നീട്​ പലരെയും ബോധവത്​കരണത്തിലൂടെയാണ്​ എടുപ്പിച്ചത്​. വാക്​സിൻ എടുക്കാതെ സ്​കൂളിലേക്ക്​ വരേണ്ടതില്ലെന്ന സർക്കാർ കർശന നിലപാട്​ സ്വീകരിച്ചതോടെയാണ്​ പലരും ഇതിന്​ സന്നദ്ധരായത്​. വിദ്യാഭ്യാസത്തിനൊപ്പം കുട്ടികളുടെ ആരോഗ്യവും പ്രധാനമായതിനാൽ മാതൃകയാകേണ്ട അധ്യാപകർ വാക്​സിൻ എടുക്കാത്ത വിഷയം സജീവ ചർച്ചയായതോടെ പേരുകൾ പുറത്തുവിടുമെന്ന മുന്നറിയിപ്പ്​ നൽകിയിരുന്നു. ഈ സാഹചര്യത്തിലാണ്​ അധ്യാപകരുടെ കണക്കുകൾ സമർപ്പിച്ചത്​. കോവിഡ്​ വ്യാപന പശ്ചാത്തലത്തിൽ തുറന്ന സ്​കൂളിലേക്ക്​ കുട്ടിക​െള വിടാൻ തുടക്കത്തിൽ രക്ഷിതാക്കൾക്ക്​ മടിയായിരുന്നു. രക്ഷിതാക്കളുടെ ആത്​മവിശ്വാസം വർധിച്ചതോടെ രണ്ട്​ ബാച്ചിലായി എത്തുന്ന കുട്ടികളുടെ എണ്ണത്തിലും വർധനയുണ്ടായി. ജില്ലയിൽ വാക്​സിനെടുക്കാത്ത അധ്യാപകരുടെ കണക്കുകൾ ബന്ധപ്പെട്ടവർക്ക്​ നൽകിയിട്ടുണ്ടെന്ന്​ വിദ്യാഭ്യാസ ഡെപ്യൂട്ടി ഡയറക്ട​ർ വി.ആർ. ഷൈല 'മാധ്യമ'ത്തോട്​ പറഞ്ഞു. അസുഖത്തി​ൻെറ പേരിലാണ്​ വാക്​സിൻ എടുക്കാത്തതെങ്കിൽ സർട്ടിഫിക്കറ്റ്​ ഹാജരാക്കാൻ നിർദേശിച്ചിട്ടുണ്ട്​. വാക്​സിൻ എടുക്കാത്ത അധ്യാപകർ ആർ.ടി.പി.സി.ആർ പരിശോധന നടത്തിയശേഷമേ സ്​കൂളിൽ ഹാജരാകാവൂ എന്ന നിർദേശം ബന്ധപ്പെട്ടവരിൽനിന്ന്​ കിട്ടിയില്ല. ആരോഗ്യപരമായ കാരണങ്ങളാൽ വാക്​സിൻ എടുക്കാത്തവരുടെ മെഡിക്കൽ രേഖകൾ മെഡിക്കൽ ബോർഡിന്​ മുന്നിൽ ഹാജരാക്കേണ്ടിവരും. വാക്സിൻ സ്വീകരിക്കാത്ത ഏതെങ്കിലും അധ്യാപകർക്ക് ആരോഗ്യപ്രശ്നമില്ലെന്ന് മെഡിക്കൽ ബോർഡ് കണ്ടെത്തിയാൽ കർശന നടപടി​യെടുക്കാനാണ്​ തീരുമാനം. അതിനിടെ, സർക്കാർ നിലപാട്​ കടുപ്പിച്ചിട്ടും വാക്​സിൻ എടുക്കാൻ വിമുഖത കാണിക്കുന്ന അധ്യാപകർ സ്​കൂളിൽ എത്തുന്നുണ്ടെന്നാണ്​ വിവരം. ജില്ലയിൽ 8012 അധ്യാപകര​ും 2,500ലധികം അനധ്യാപകരുമാണുള്ളത്​. സ്​കൂൾ തുറക്കുന്നതിന്​ മു​ന്നോടിയായി മുഴുവൻ അധ്യാപകർക്കും വാക്​സിൻ നിർബന്ധമാക്കിയിരുന്നു. തുടക്കത്തിൽ പലരും പല അസുഖങ്ങൾ പറഞ്ഞൊഴിഞ്ഞു. ബാക്കിയുള്ള അധ്യാപകരിൽ ​ഗർഭിണികൾ, മരുന്ന്​ കഴിക്കുന്നവർ, അലർജിയുള്ളവർ, വിശ്വാസത്തി​​ൻെറ പേരിൽ തുടങ്ങിയവരാണ്​ വാക്​സിൻ എടുക്കാ​ത്തതെന്നാണ്​ വിവരം. ചിലർ മരുന്നു കഴിക്കുന്നതിനാൽ ഡോക്ടറുടെ നിർദേശമുണ്ടെന്ന്​ രേഖാമൂലം വിദ്യാഭ്യാസവകുപ്പിനെ അറിയിച്ചിട്ടുണ്ട്​. ഇക്കാര്യങ്ങൾ വ്യക്തമാക്കി ഡോക്ടറുടെ സർട്ടിഫിക്കറ്റ്​ ഹാജരാക്കിയവരുമുണ്ട്​. ഇതിനൊപ്പം, വാക്​സിനെടുക്കാത്ത അധ്യാപകരെ ഓൺലൈൻ ക്ലാസുകൾ എടുക്കാനാണ്​ ഉപയോഗിക്കുന്നത്​. ഒമിക്രോൺ ഭീതി നിലനിൽക്കുന്ന സാഹചര്യത്തിൽ എല്ലാവരും വാക്​സിൻ എടുത്തേ മതിയാകൂവെന്നാണ്​ സർക്കാർ നിലപാട്​.