അർധരാത്രിയിൽ സാഗര തീരത്ത് 75 ദേശീയപതാക ഉയർത്തി കോൺഗ്രസ്​ ആഘോഷം

ആറാട്ടുപുഴ: 'സാഗരം സാക്ഷി അർധരാത്രിയിലെ സ്വാതന്ത്ര്യം@75' പേരിൽ കോൺഗ്രസ് ആറാട്ടുപുഴ മണ്ഡലം കമ്മിറ്റി സ്വാതന്ത്ര്യ ദിനാഘോഷം നടത്തി. പൊതുസമ്മേളനം കെ.പി.സി.സി ജനറൽ സെക്രട്ടറി എ.എ. ഷുക്കൂർ ഉദ്ഘാടനം ചെയ്തു. പ്രസിഡന്റ് രാജേഷ് കുട്ടൻ അധ്യക്ഷതവഹിച്ചു. അർധരാത്രിയിൽ കടൽതീരത്ത് സമ്മേളനഗറിൽ സ്ഥാപിച്ച 75 തൂണുകളിൽ ദേശീയപതാക ഉയർത്തി. തുടർന്ന് 75 സ്വാതന്ത്ര്യ ദീപങ്ങൾ തെളിച്ച് പ്രതിജ്ഞയെടുത്തു.