ഹരിപ്പാട് 555 കുപ്പി മാഹി നിർമിത വിദേശമദ്യം കണ്ടെടുത്തു

ഹരിപ്പാട്: ഹരിപ്പാട്​ 555 കുപ്പി മാഹി നിർമിത വിദേശ മദ്യം കണ്ടെടുത്തു. വീയപുരം ഭാഗത്ത് കാർത്തികപള്ളി എക്​സൈസ് റേഞ്ചിന്റെയും ഹരിപ്പാട് എക്സൈസ് സർക്കിൾ ഓഫിസിന്റെയും, എക്സൈസ് ഇന്റലിജൻസിന്‍റെയും നേതൃത്വത്തിൽ നടത്തിയ പരിശോധനയിലാണ്​ മദ്യം പിടികൂടിയത്​. വീയപുരം പാമ്പാനി പാടശേഖരത്തിന്റെ വടക്കേ കരയിൽ അച്ചൻകോവിലാറിന്റെ തീരത്ത്​ ഒമ്പത് പ്ലാസ്റ്റിക് ചാക്കുകളിലായി ഒളിപ്പിച്ച നിലയിലായിരുന്നു മദ്യം. കാർത്തികപള്ളി എക്സ്സൈസ് റേഞ്ച് ഇൻസ്‌പെക്ടർ എസ്. രാധാകൃഷ്ണന്റെ നേതൃത്വത്തിൽ നടത്തിയ പരിശോധനയിൽ ആകെ 277ലിറ്റർ മദ്യമാണ്​ കണ്ടെടുത്തത്. പ്രതികളെപ്പറ്റി അന്വേഷണം ആരംഭിച്ചു. പരിശോധനയിൽ പ്രിവന്‍റീവ്​ ഓഫിസർമാരായ എം.ആർ. സുരേഷ്, എസ്. ഹാരിസ്, പി.ആർ. പ്രബീൺ. എം. അബ്ദുൽ ഷുക്കൂർ, സിവിൽ എക്സ്​സൈസ് ഓഫിസർമാരായ ജി. ജയകൃഷ്ണൻ, പി.കെ. അനീഷ്, എച്ച്. മുസ്തഫ, എൻ. പി അരുൺ, എ. ബി ശ്രീകുമാർ എന്നിവർ പങ്കെടുത്തു