ചെറുതനയിൽ 400 ഏക്കർ കൃഷി ഉപേക്ഷിച്ചു

lead package ഹരിപ്പാട്: പാടശേഖരം വെള്ളത്തിൽ മുങ്ങിനശിച്ചതോടെ ചെറുതന കൃഷിഭവൻ പരിധിയിലെ തേവേരി-തണ്ടപ്ര പാടശേഖരത്തിലെ ഏക്കറുകണക്കിന് സ്ഥലത്തെ രണ്ടാംകൃഷി വിളവെടുപ്പ്​ കർഷകർ ഉപേക്ഷിച്ചു​. വിതയിറക്കി 155 ദിവസം പിന്നിട്ട ശേഷമാണ് വിളവെടുപ്പ് ആരംഭിച്ചത്. എട്ട് കൊയ്ത്തുയന്ത്രങ്ങൾ തമിഴ്നാട്ടിൽനിന്ന് ലക്ഷങ്ങൾ പണം നൽകിയാണ് പാടശേഖര സമിതി കൊണ്ടുവന്നത്. യന്ത്രമെത്തിച്ച് പത്തേക്കർ തികച്ച് കൊയ്യുന്നതിന് മുമ്പേ കർഷകർക്ക് കൃഷി ഉപേക്ഷിച്ചു. തോരാത്തമഴയും കിഴക്കൻ വെള്ളത്തി​ൻെറ വരവിലും പാടം വെള്ളത്തിലാകുകയും നെൽചെടികൾ പൂർണമായും നിലംപതിച്ചതുമാണ് കർഷകർക്ക് ഇരുട്ടടിയായത്​. യന്ത്രങ്ങൾ കരയിൽ സൂക്ഷിച്ച​ു. മണിക്കൂറിന് ചങ്ങാടക്കൂലി ഉൾ​െപ്പടെ 2500 രൂപ നിരക്കിലാണ് യന്ത്രം എത്തിച്ചത്. കഴിഞ്ഞ ബുധനാഴ്ചയാണ് കൊയ്ത്ത് ആരംഭിച്ചത്. കൊയ്ത്ത് തുടങ്ങിയ ഘട്ടത്തിൽ കാലാവസ്ഥ അനുകൂലമായിരുന്നു. രണ്ടാഴ്ച മുമ്പ് വെള്ളത്തി​ൻെറ അതിസമ്മർദത്തിൽ മട വീഴ്ചയുണ്ടായെങ്കിലും കർഷകരുടെയും നെല്ലുൽപാദക സമിതിയുടെയും അവസരോചിത ഇടപെടലിൽ മട തടഞ്ഞ് രക്ഷപ്പെടുത്തിയെടുത്ത കൃഷിയാണ് തകർന്നടിഞ്ഞത്. പതിനായിരങ്ങൾ കടമെടുത്താണ് അധികപേരും കൃഷി ചെയ്തത്. വിളവെടുപ്പി​ൻെറ ഘട്ടത്തിലുണ്ടായ ദുരിതം മൂലം കടുത്ത പ്രയാസത്തിലാണ് കർഷകർ. കൃഷി നാശത്തിൽ വിള ഉപേക്ഷിച്ച കർഷകർ കൃഷി ഓഫിസിൽ അപേക്ഷ സമർപ്പിച്ചു. പ്രകൃതിക്ഷോഭ ദുരിതാശ്വാസ സഹായവും ഇൻഷുറൻസ് പരിരക്ഷയുമാണ് ഇപ്പോഴത്തെ കർഷകരുടെ പ്രതീക്ഷ.