മത്സ്യഫെഡ് വിദ്യാഭ്യാസ അവാർഡ് 'മികവ് 2021' വെള്ളിയാഴ്ച

ആലപ്പുഴ: എസ്.എസ്.എൽ.സി, പ്ലസ്ടു പരീക്ഷയിൽ മുഴുവൻ വിഷയത്തിനും എ പ്ലസ് നേടിയ മത്സ്യത്തൊഴിലാളികളുടെ മക്കൾക്കുള്ള വിദ്യാഭ്യാസ അവാർഡ് വിതരണ പരിപാടി 'മികവ് 2021' ഏപ്രിൽ ഒന്നിന് രാവിലെ പതിനൊന്നിന്​ നടക്കുമെന്ന് സംഘാടകർ അറിയിച്ചു. മത്സ്യഫെഡ് ജില്ല ഓഫിസി‍ൻെറ ആഭിമുഖ്യത്തിൽ ആലപ്പുഴ കർമസദൻ ഹാളിൽ നടക്കുന്ന പുരസ്ക്കാര വിതരണ ചടങ്ങ് മന്ത്രി സജി ചെറിയാൻ ഉദ്ഘാടനം ചെയ്യും. പി.പി. ചിത്തരഞ്ജൻ എം.എൽ.എ അധ്യക്ഷത വഹിക്കും. ചടങ്ങിൽ വി.ആർ. രമേശ് സംസ്ഥാന എൻഡോവ്മെന്റ് പുരസ്​കാര വിതരണം എ.എം. ആരിഫ് എം.പി നിർവഹിക്കും. എച്ച്. സലാം എം.എൽ.എ മുഖ്യപ്രഭാഷണം നടത്തും. ജില്ല പഞ്ചായത്ത് പ്രസിഡന്‍റ്​ കെ.ജി. രാജേശ്വരി, നഗരസഭ അധ്യക്ഷ സൗമ്യ രാജ്, മത്സ്യഫെഡ് ചെയർമാൻ ടി. മനോഹരൻ, മത്സ്യഫെഡ് മാനേജിങ്​ ഡയറക്ടർ ദിനേശ് ചെറുവട്ട് തുടങ്ങിയവർ സംബന്ധിക്കുമെന്ന് മത്സ്യഫെഡ് ജില്ല മാനേജർ ബി. ഷാനവാസ് പറഞ്ഞു.