വീടുകളിലെത്തി വാക്സിൻ; ഇതുവരെ ബുക്ക്​ ചെയ്തത്​ 200 പേർ

ആലപ്പുഴ: ജില്ലയിൽ അവസാന ആളിലേക്കും വാക്‌സിൻ എത്തിക്കുകയെന്ന ദൗത്യവുമായി ഡോക്​ടേഴ്​സ്​ ഫോർ യു, ജില്ല ഭരണകൂടം, ആരോഗ്യവകുപ്പ് എന്നിവരുടെ സഹകര​ണത്തോടെ കോവിഡ്​ വാക്സിൻ വീടുകളി​ലെത്തി നൽകിത്തുടങ്ങി. ഇതുവരെ 200ലധികം പേരാണ്​ ഫോൺവഴി ബുക്കിങ്​ നടത്തിയത്​. ആരോഗ്യസ്ഥാപനങ്ങൾ വഴി വേറെയും ബുക്കിങ്ങുണ്ട്​. ഡോക്ടറും നഴ്സും ഉൾപ്പെടെയുള്ള മെഡിക്കൽ സംഘം വാക്‌സിൻ ഫോണിൽക്കൂടി ബുക്ക്‌ ചെയ്തവർക്ക്​ മുൻകൂട്ടി അറിയിപ്പ് നൽകിയാണ്​ വാക്‌സിനേഷൻ നടത്തുന്നത്. വ്യാഴാഴ്​ച ചെങ്ങന്നൂർ, മുളക്കുഴ, വെണ്മണി, ചെറിയനാട്, മാവേലിക്കര, ചെട്ടികുളങ്ങര, തൃക്കുന്നപ്പുഴ, ചിങ്ങോലി, കണ്ടല്ലൂർ, കായംകുളം, വള്ളികുന്നം, നൂറനാട് മേഖലകളിൽനിന്ന്​ ബുക്ക്‌ ചെയ്തവർക്കാണ്​ വാക്സിൻ നൽകിയത്​. 18ന്​ മുകളിൽ പ്രായമുള്ള ആളുകൾക്ക് കോവിഷീൽഡ്, കോവാക്സിൻ എന്നിവയാണ്​ നൽകുന്നത്. മെഡിക്കൽ ടീമും വാഹനവും ഡോക്​ടേഴ്​സ്​ ഫോർ യുവും വാക്‌സിൻ ആരോഗ്യവകുപ്പും നൽകും. വാക്‌സിനേഷൻ ആവശ്യമുള്ളവർ അടുത്തുള്ള ആരോഗ്യസ്ഥാപനവുമായി ബന്ധപ്പെടുക. ഫോൺ: 919645196343. APL covid vaccine ഡോക്​ടേഴ്​സ്​ ഫോർ യു ടീം അംഗങ്ങളുടെ നേതൃത്വത്തിൽ വീടുകളിലെത്തി വാക്സിൻ നൽകുന്നു അഡീഷനൽ എസ്​.പി ആർ.ഡി. അജിത്​ ആലപ്പുഴ: ജില്ല പൊലീസ്​ അഡീഷനൽ എസ്.പിയായി ആർ.ഡി. അജിത് ചുമതയേറ്റു. തിരുവനന്തപുരം സ്വദേശിയായ ഇദ്ദേഹം വിജിലൻസ് ഹെഡ്ക്വാർട്ടർ ഡിവൈ.എസ്.പിയായി ചുമതലയിരിക്കെയാണ്​ സ്ഥാനക്കയറ്റം ലഭിച്ചത്​. മുഹമ്മ, ചെങ്ങന്നൂർ, മാവേലിക്കര, നൂറനാട്, തിരുവനന്തപുരം എയർപോർട്ട്, പാലോട് തുടങ്ങിയ സ്ഥലങ്ങളിൽ സേവനം അനുഷ്ഠിച്ചുണ്ട്. അഡീഷനൽ എസ്.പിയായിരുന്ന എ.യു. സുനിൽകുമാറിന്​ എസ്​.പിയായി സ്ഥാനക്കയറ്റം ലഭിച്ച ഒഴിവിലാണ്​ നിയമനം. APL ajith ASP അഡീഷനൽ എസ്​.പി ആർ.ഡി. അജിത്​