ഉപരിപഠനത്തിന്​ അർഹതനേടി 18,024 കുട്ടികൾ

ആലപ്പുഴ: ഹയര്‍സെക്കൻഡറി പരീക്ഷയില്‍ ജില്ലയില്‍ 18,024 വിദ്യാർഥികൾ ഉന്നതവിദ്യാഭ്യാസത്തിന് അര്‍ഹത നേടി. സ്കൂൾ ഗോയിങ്​, ടെക്നിക്കൽ സ്കൂൾ, ഓപൺ സ്കൂൾ വിഭാഗങ്ങളിൽ ആകെ 23,100 പേരാണ് പരീക്ഷയെഴുതിയത്​. പ്ലസ്ടു വിജയികൾക്ക് മധുരവുമായി ജില്ല പഞ്ചായത്ത് ആലപ്പുഴ: പ്ലസ്ടു പരീക്ഷയിൽ ഉന്നത വിജയം കരസ്ഥമാക്കിയ വിദ്യാർഥികളെ അനുമോദിക്കുന്നതിന് ജില്ല പഞ്ചായത്ത് പ്രസിഡന്റ് കെ.ജി. രാജേശ്വരിയും ജനപ്രതിനിധികളും സ്കൂളുകളിൽ സന്ദർനം നടത്തി. നൂറുശതമാനം വിജയം നേടിയ കാക്കാഴം ഗവ. ഹയർ സെക്കൻഡറി സ്കൂൾ, അമ്പലപ്പുഴ കെ.കെ. കുഞ്ചുപിള്ള സ്മാരകഹയർ സെക്കൻഡറി സ്കൂൾ എന്നിവിടങ്ങളിലെത്തി വിദ്യാർഥികൾക്കും അധ്യാപകർക്കും മധുരം നൽകി. സംസ്ഥാനത്ത് നൂറുശതമാനം വിജയം നേടിയ മൂന്ന് സ്കൂളുകളിൽ രണ്ടെണ്ണം ആലപ്പുഴ ജില്ല പഞ്ചായത്തിന്‍റേതായതിൽ ഏറെ സന്തോഷമുണ്ടെന്ന്​ പ്രസിഡന്‍റ്​ കെ.ജി. രാജേശ്വരി പറഞ്ഞു. വൈസ് പ്രസിഡന്റ് വിപിൻ സി. ബാബു, ആരോഗ്യവിദ്യാഭ്യാസ സ്ഥിരംസമിതി അധ്യക്ഷ എം.വി പ്രിയ, ജില്ല പഞ്ചായത്തംഗം അഡ്വ. ആർ.റിയാസ് എന്നിവരും ഒപ്പമുണ്ടായിരുന്നു.