പുനരുദ്ധാരണം: ആലപ്പുഴയിലെ റോഡുകൾക്ക് 18 കോടിയുടെ അനുമതി

ആലപ്പുഴ: ആലപ്പുഴ മണ്ഡലത്തിലെ വിവിധ റോഡുകളുടെ നിർമാണ-പുനരുദ്ധാരണ പ്രവർത്തനങ്ങൾക്ക് പൊതുമരാമത്ത് വകുപ്പിന്റെ 18 കോടി 3.5 ലക്ഷം രൂപയുടെ ഭരണാനുമതി ലഭിച്ചതായി പി.പി. ചിത്തരഞ്ജൻ എം.എൽ.എ അറിയിച്ചു. നെഹ്‌റു ട്രോഫി വാർഡിലെ വിവിധ റോഡുകൾക്ക് 10 കോടി, വലിയ കലവൂർ ബണ്ട്-കൊമ്മാടി പാലം റോഡ് (രണ്ടുകോടി), പങ്കജ് തിയറ്റർ-ആലപ്പി കമ്പനി റോഡ് (1.35 കോടി), കണിച്ചുകുളങ്ങര ക്ഷേത്രം തീർഥാടനകേന്ദ്രം റോഡ് ശൃംഖലയിൽ ചാരങ്കാട്ട് കാട്ടിടത്ത് റോഡ് (ഒരുകോടി) കലവൂർ ബണ്ട്-സെന്‍റ്​ തോമസ് പള്ളി റോഡ് (50 ലക്ഷം), കുന്നപ്പള്ളി-പരുത്തിക്കാട് റോഡ് (50 ലക്ഷം), പങ്കജ്തീയറ്റർ-കനാൽ ചെറുകുളം റോഡ് (50 ലക്ഷം), മണ്ണഞ്ചേരി ക്രസന്‍റ്​ സ്കൂൾ -തൈവേലി റോഡ് (50 ലക്ഷം), അയ്യൻകാളി ഐ.ടി.സി-പൂഞ്ഞിലിക്കാട് റോഡ് (50 ലക്ഷം), ആര്യാട് ലൂതറൻസ് സ്കൂൾ ഡ്രൈനേജ് നിർമാണം (50 ലക്ഷം), കുറ്റിട്ട് പറമ്പ് -കെവേലി തോട് റോഡ് (50 ലക്ഷം), ആറാട്ടുവഴി പള്ളി-ബൈപാസ് (50 ലക്ഷം) റോഡുകൾക്കാണ് ഭരണാനുമതി ലഭിച്ചത്​. ഈ പദ്ധതികൾക്ക് അടിയന്തരമായി സാങ്കേതിക അനുമതി ലഭ്യമാക്കി ടെൻഡർ ചെയ്ത്​​ നടപ്പാക്കാൻ എം.എൽ.എ പൊതുമരാമത്ത് വകുപ്പ് ഉദ്യോഗസ്ഥർക്ക് നിർദേശം നൽകി. വിദേശമദ്യവുമായി യുവാവ്​ പിടിയിൽ ആലപ്പുഴ: വിദേശമദ്യവുമായി യുവാവ്​ പിടിയിൽ. പുന്നപ്ര വടക്ക് പഞ്ചായത്ത് 16ാം വാർഡിൽ തോട്ടുങ്കൽ വീട്ടിൽ റോബിൻ ജോസഫിനെയാണ്​ (24) ജില്ല പൊലീസ്​ മേധാവിയുടെ നേതൃത്വത്തിലെ ഡാൻസാഫും പുന്നപ്ര പൊലീസും ചേർന്ന് പിടികൂടിയത്. ആറുലിറ്റർ ഇന്ത്യൻ നിർമിത വിദേശമദ്യവും മൂന്നുവലിയ പാക്കറ്റ് ഹാൻസും പിടികൂടി. അമ്പലപ്പുഴ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. APL robin joseph ​റോബിൻ ജോസഫ്​