പ്രവാചകനിന്ദക്കെതിരെ 18ന്​ റാലിയും പോസ്റ്റ്​ ഓഫിസ്​ ധർണയും

തുറവൂർ: പ്രവാചകനെ നിന്ദിച്ച ബി.ജെ.പി നേതാക്കൾക്കെതിരെ കേസെടുക്കണമെന്ന് ആവശ്യപ്പെട്ട്​ പൊൻപുറം മുസ്​ലിം ജമാഅത്തിന്റെ ആഭിമുഖ്യത്തിൽ ശനിയാഴ്ച റാലിയും ​ ധർണയും സംഘടിപ്പിക്കും. മഹല്ല്​ അങ്കണത്തിൽനിന്ന് ആരംഭിക്കുന്ന റാലി തുറവൂർ പോസ്റ്റ് ഓഫിസിന് മുന്നിൽ സമാപിക്കും. മുസ്​ലിം ജമാഅത്ത് കൗൺസിൽ സംസ്ഥാന വർക്കിങ് പ്രസിസന്റ് കമാൽ മാക്കിയിൽ ഉദ്​ഘാടനം ചെയ്യും. ചീഫ് ഇമാം അബ്ദുൽ റഹീം ഫാളിലി മുഖ്യപ്രഭാഷണം നടത്തും. മഹല്ല്​ പ്രസിഡന്റ് നിസാർ കോതങ്ങനാട് അധ്യക്ഷതവഹിക്കും.