കയർ തൊഴിലാളികളുടെ സൂചനപണിമുടക്ക്​ മാർച്ച് 15ന്

ആലപ്പുഴ: കേരളത്തിലെ പ്രധാന പരമ്പരാഗത വ്യവസായമായ കയർ മേഖലയിലെ തൊഴിലാളികളെ സംരക്ഷിക്കാൻ മുഖ്യമന്ത്രി ഇടപെടണമെന്നാവശ്യപ്പെട്ട്​ കേരള സ്റ്റേറ്റ് കയർ തൊഴിലാളി ഫെഡറേഷൻ (എ.ഐ.ടി.യു.സി ) നേതൃത്വത്തിൽ മാർച്ച് 15ന് സംസ്ഥാനത്തെ കയർ പ്രോജക്ട്​, കയർ കോർപറേഷൻ, കയർഫെഡ് ഓഫിസുകൾക്ക്​ മുന്നിൽ സൂചന പണിമുടക്ക്​ നടത്തും. കയർപിരി തൊഴിലാളികളുടെ കൂലി 350 രൂപയിൽനിന്ന്​ 700 രൂപയാക്കുക, കാലാവധി കഴിഞ്ഞിട്ട് 20 മാസമായ കയർ ഫാക്ടറി തൊഴിലാളികളുടെ സേവന-വേതന വ്യവസ്ഥകൾ പുതുക്കി തീരുമാനിക്കുക തുടങ്ങിയ ആവശ്യങ്ങൾ ഉന്നയിച്ചാണ്​ സമരം. ഫെഡറേഷൻ വർക്കിങ് പ്രസിഡന്‍റ്​ എ. അബ്ബാസ് അധ്യക്ഷത വഹിച്ചു. ജനറൽ സെക്രട്ടറി പി.വി. സത്യനേശൻ, ജി. ഗോപകുമാർ, പി. രാജമ്മ, എൻ.പി. കമലാധരൻ, ആർ. സുരേഷ്, ജോഷി എബ്രഹാം, എം.കെ. ശീമോൻ, വി.എൻ. ഉണ്ണികൃഷ്ണൻ എന്നിവർ സംസാരിച്ചു. കൂട്ടിയിട്ട തടികൾക്ക്​ തീപിടിച്ചു ആലപ്പുഴ: വൈ.എം.സി.എ പാലത്തിന്​ സമീപം കൂട്ടിയിട്ടിരുന്ന തടികൾക്ക്​ തീപിടിച്ചു. ശനിയാഴ്ച വൈകീട്ട്​ മൂന്നിനായിരുന്നു സംഭവം. അഗ്നിരക്ഷാസേനയുടെ ഇടപെടലിൽ വൻദുരന്തം ഒഴിവായി. സമീപത്ത്​ തടിമില്ലും കടയും ഉണ്ടായിരുന്നു. അസി. സ്റ്റേഷൻ ഓഫിസർ ആർ. ജയസിംഹൻ, ഷാജൻ കെ. ദാസ്​, കെ.ബി. ഹാഷിം, അഖിലേഷ്, കെ.എസ്​. ആൻറണി എന്നിവർ നേതൃത്വം നൽകി.