തണ്ണീർമുക്കം ബണ്ട്​: ധീവരസഭ സമരപ്രഖ്യാപന കൺ​െവൻഷൻ 13ന്​

ആലപ്പുഴ: തണ്ണീർമുക്കം ബണ്ട്​ തുറക്കണമെന്ന്​ ആവശ്യപ്പെട്ട്​ ധീവരസഭ ആലപ്പുഴ, കോട്ടയം ജില്ല കമ്മിറ്റികളുടെ നേതൃത്വത്തി​െല സമരപ്രഖ്യാപന കൺെവൻഷൻ തിങ്കളാഴ്​ച വൈകീട്ട്​ മൂന്നിന്​ തണ്ണീർമുക്കം ഇറിഗേഷൻ ഓഫിസിന്​ സമീപം നടത്തുമെന്ന്​ ഭാരവാഹികൾ വാർത്തസമ്മേളനത്തിൽ അറിയിച്ചു. ധീവരസഭ സംസ്ഥാന ജനറൽ സെക്രട്ടറി വി. ദിനകരൻ ഉദ്ഘാടനം ചെയ്യും. സംസ്ഥാന പ്രസിഡൻറ്​​ എ. ദാമോദരൻ മുഖ്യപ്രഭാഷണം നടത്തും. കുട്ടനാട് കായൽ കൃഷി ഗവേഷണകേന്ദ്രം ഡയറക്ടർ ഡോ. കെ.ജി. പത്മകുമാർ വിഷയം അവതരിപ്പിക്കും. തണ്ണീർമുക്കം ബണ്ടി​ൻെറ ഷട്ടറുകൾ ഒരുവർഷം പൂർണമായും തുറന്നിടുക, വേലിയേറ്റം മൂലം ദുരിതമനുഭവിക്കുന്ന തീരമേഖലയെ കരിങ്കൽഭിത്തി കെട്ടി സംരക്ഷിക്കുക, കുട്ടനാടൻ പാടശേഖരങ്ങളിൽനിന്ന്​ പുറന്തള്ളുന്ന പോളപ്പായൽ അടിയന്തരമായി നീക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. വാർത്തസമ്മേളനത്തിൽ ഭാരവാഹികളായ എൻ.ആർ. ഷാജി, സി. ഗോപിനാഥ്, വി.എം. ഷാജി, എ.എസ്. വിശ്വനാഥൻ എന്നിവർ പങ്കെടുത്തു. തിരുവൈരാണിക്കുളം ക്ഷേത്രത്തിലേക്ക്​ സ്​പെഷൽ സർവിസ്​ ആലപ്പുഴ: ആലുവ തിരുവൈരാണിക്കുളം ക്ഷേത്രത്തിലെ നടതുറപ്പ് ഉത്സവത്തി​ൻെറ ഭാഗമായി ആലപ്പുഴ ഡിപ്പോയിൽനിന്ന്​ ഈ മാസം 19 മുതൽ കെ.എസ്​.ആർ.ടി.സി സ്​പെഷൽ ബസ്​ സർവിസ്​ നടത്തും. രാവിലെ ആറിന്​ പുറപ്പെടും. വൈക്കം, ചോറ്റാനിക്കര ക്ഷേത്രങ്ങളിലും ദർശനസൗകര്യമുണ്ടാകും. വൈകീട്ട്​ മൂന്നിന്​ തിരിച്ചെത്തും. ഒരാൾക്ക് 350രൂപയാണ്​ നിരക്ക്​. സീറ്റുകൾ മുൻകൂട്ടി പണമടച്ച് ബുക്ക് ചെയ്യണം. ഫോൺ: 0477 2252501, 9895505815, 7012066500, 8547556142.