പുന്നപ്ര ഫുട്ബാൾ ടൂർണമെന്‍റിൽ ബി.ബി.ജി അഴീക്കൽ ജേതാക്കൾ

അമ്പലപ്പുഴ: പുന്നപ്ര കടലോരത്ത്​ നടന്ന ഫുട്ബാൾ ടൂർണമെന്‍റിൽ ബി.ബി.ജി അഴീക്കൽ ജേതാക്കളായി. നാലുദിവസം നീണ്ട ടൂർണമെന്‍റിൽ ജില്ലയിലെ പ്രമുഖ ടീമുകൾ പങ്കെടുത്തു. എച്ച്. സലാം എം.എൽ.എയാണ്​ വിജയികൾക്കുള്ള എവറോളിങ്​ ട്രോഫി സ്പോൺസർ ചെയ്തത്. 25,000 രൂപയായിരുന്നു കാഷ് അവാർഡ്. റണ്ണേഴ്‌സ്​അപ്പിന് 10,000 രൂപയും ട്രോഫിയും നൽകി. വാടക്കൽ ജനത ക്ലബാണ് റണ്ണേഴ്‌സ്​അപ് ആയത്. ശാന്തിഭവൻ മാനേജിങ്​ ട്രസ്റ്റി ബ്രദർ മാത്യു ആൽബിൻ ട്രോഫി സമ്മാനിച്ചു. പുന്നപ്ര തെക്ക് പഞ്ചായത്ത് പ്രസിഡന്‍റ്​ പി.ജി. സൈറസ് കാഷ് അവാർഡുകൾ വിതരണം ചെയ്തു. ചിത്രം: പുന്നപ്ര ഫുട്ബാൾ ടൂർണമെന്‍റ്​ വിജയികൾക്ക്​ ശാന്തിഭവൻ മാനേജിങ്​ ട്രസ്റ്റി ബ്രദർ മാത്യു ആൽബിൻ ട്രോഫി സമ്മാനിക്കുന്നു