സരസ്വതി ടീച്ചർക്ക്​ യാത്രയയപ്പ് നൽകി

കായംകുളം: നാലുപതിറ്റാണ്ട് കാലം കുരുന്നുകൾക്ക് അക്ഷരജ്ഞാനം പകർന്ന സരസ്വതി ടീച്ചർ ഔദ്യോഗിക ജീവിതത്തിൽനിന്ന്​ പടിയിറങ്ങി. നഗരസഭ 14ാം വാർഡിലെ അംഗൻവാടി അധ്യാപികയായ സരസ്വതിക്ക് നാട്ടിലെ വിവിധ സംഘടനകൾ ഉപഹാരം കൈമാറി. ബഥേൽ ചർച്ച് കോമ്പൗണ്ടിൽ നടന്ന യാത്രയയപ്പ് സമ്മേളനം നഗരസഭ ചെയർപേഴ്സൻ പി. ശശികല ഉദ്ഘാടനം ചെയ്തു. കൗൺസിലർ അൻസാരി കോയിക്കലേത്ത് അധ്യക്ഷത വഹിച്ചു. ജില്ല പ്ലാനിങ്​ കമ്മിറ്റി മുൻ അംഗം അഡ്വ. ഇ. സമീർ ആദരവ് നിർവഹിച്ചു. സി.ഡി.എസ് മെംബർ റംലത്ത്, എ.ഡി.എസ് പ്രസിഡന്റ് ഹസീന സുധീർ, സുശീല രമണൻ, ജോമോൻ തെക്കേക്കര, ബിന്ദു മോഹൻ, സെമീന രാജൻ, ബിന്ദു അജയൻ എന്നിവർ സംസാരിച്ചു. ചിത്രം: പെരിങ്ങാല അംഗൻവാടിയിൽനിന്ന്​ വിരമിച്ച സരസ്വതിക്ക് നഗരസഭ ചെയർപേഴ്സൻ പി. ശശികല ഉപഹാരം കൈമാറുന്നു