ഉപതെരഞ്ഞെടുപ്പ് ഫലങ്ങൾ ഭരണ ധാർഷ്ട്യത്തിന് എതിരെയുള്ള വിധിയെഴുത്താകും -കെ. സുധാകരൻ

വള്ളികുന്നം: വരാനിരിക്കുന്ന ഉപതെരഞ്ഞെടുപ്പ് ഫലങ്ങൾ ഭരണ ധാർഷ്ട്യത്തിന് എതിരെയുള്ള വിധിയെഴുത്താകുമെന്ന് കെ.പി.സി.സി പ്രസിഡന്റ് കെ. സുധാകരൻ. മണക്കാട് ബ്ലോക്ക് ഡിവിഷൻ ഉപതെരഞ്ഞെടുപ്പിലെ യു.ഡി.എഫ് സ്ഥാനാർഥി സുഹൈർ വള്ളികുന്നത്തിനായി സംഘടിപ്പിച്ച കുടുംബ സംഗമം ഉദ്ഘാടനം ചെയ്യുകയായിരുന്നു അദ്ദേഹം. വർത്തമാനകാല കമ്യൂണിസ്റ്റ് നേതാക്കൾ അഴിമതിയുടെ പ്രതിരൂപങ്ങളായി മാറുകയാണ്. അഴിമതി ലക്ഷ്യമാക്കുന്ന വികസന പദ്ധതികൾ ജനങ്ങൾക്ക് മേൽ അടിച്ചേൽപ്പിക്കാനുള്ള നീക്കം ശക്തമായി എതിർക്കുമെന്നും അദ്ദേഹം പറഞ്ഞു. ജി. രാജീവ്കുമാർ അധ്യക്ഷത വഹിച്ചു. ഡി.സി.സി പ്രസിഡന്റ് ബി. ബാബുപ്രസാദ്, കെ.പി.സി.സി ജനറൽ സെക്രട്ടറിമാരായ കെ.പി. ശ്രീകുമാർ, എം.ജെ. ജോബ്, എം. ലിജു, ഭാരവാഹികളായ കെ.ആർ. മുരളീധരൻ, ബി. രാജലക്ഷ്മി, കെ. ഗോപൻ, പി. രാമചന്ദ്രൻ പിള്ള, കെ. ഗോപി, എസ്.വൈ. ഷാജഹാൻ, ചൂനാട് വിജയൻപിള്ള, നസീർ കാവനാട്, എം.കെ. ബിജുമോൻ, ഇലഞ്ഞിക്കൽ പ്രകാശ്, ശിവപ്രസാദ്, ഷിഹാബ്, ലതിക തുടങ്ങിയവർ സംസാരിച്ചു ചിത്രം: APLKY2UDF വള്ളികുന്നം മണക്കാട് ബ്ലോക്ക്​ ഡിവിഷൻ ഉപതെരഞ്ഞെടുപ്പിലെ യു.ഡി.എഫ് സ്ഥാനാർഥി സുഹൈർ വള്ളികുന്നത്തിന്റെ തെരഞ്ഞെടുപ്പ് യോഗം കെ.പി.സി.സി പ്രസിഡന്റ് കെ. സുധാകരൻ ഉദ്ഘാടനം ചെയ്യുന്നു