ട്രാവലര്‍ ട്രാന്‍സ്‌ഫോര്‍മറില്‍ ഇടിച്ചുമറിഞ്ഞു

മാന്നാർ: ഹരിപ്പാട് ഇലഞ്ഞിമേൽ റോഡിൽ ചെന്നിത്തല ഒരിപ്രം പുത്തുവിളപ്പടിക്കുസമീപം അടുക്കളമുക്കിൽ ചൊവ്വാഴ്ച രാവിലെ വിവാഹ യാത്രികരുമായി പോയ ട്രാവലർ നിയന്ത്രണംവിട്ട് ട്രാന്‍സ്‌ഫോര്‍മറിലിടിച്ച് സമീപത്തെ വീടിന്റെ മതിലും ഗേറ്റും തകര്‍ത്ത്​ മലക്കംമറിഞ്ഞു. അപകടത്തെത്തുടർന്ന്​ വൈദ്യുതിബന്ധം തടസ്സപ്പെട്ടു. ചെന്നിത്തലയില്‍നിന്ന്​ വൈദ്യുതി വകുപ്പ് ഉദ്യോഗസ്ഥര്‍ എത്തിയാണ്​ വൈദ്യുതി പുനഃസ്ഥാപിച്ചത്​.