നാട് കാണാനെത്തിയ കാട്ടുപൂച്ചയെ വലയിലാക്കി കാട്​ കയറ്റി

കായംകുളം: നാട് കാണാൻ ഇറങ്ങി വട്ടംചുറ്റിയ കാട്ടുപൂച്ചയെ വലയിലാക്കി കാട്​ കയറ്റി. അഗ്​നിരക്ഷാസംഘം ഓഫിസിന്റെ പരിസരത്തെ പുരയിടത്തിലാണ് പൂച്ച എത്തിയത്. നോട്ടത്തിൽ പന്തികേട് തോന്നി നിരീക്ഷിച്ചപ്പോഴാണ് വനവാസിയാണെന്ന് തിരിച്ചറിഞ്ഞത്. തിങ്കളാഴ്ച പകലായിരുന്നു സംഭവം. വിവരം അറിഞ്ഞ് എത്തിയ അഗ്​നിരക്ഷാസംഘം ഒരുക്കിയ കെണിയിൽ വീണതോടെയാണ് ജനത്തിന് ആശ്വാസമായത്. പൂച്ചയെ വനം വകുപ്പ് ഉദ്യോഗസ്ഥർ എത്തി ഏറ്റുവാങ്ങിയാണ് കാട്ടിലേക്ക് കൊണ്ടുപോയത്. സ്റ്റേഷൻ ഓഫിസർ പ്രസന്നകുമാർ, അസിസ്റ്റന്‍റ്​ സ്റ്റേഷൻ ഓഫിസർ ശ്രീകുമാർ, സേന അംഗങ്ങളായ സന്തോഷ് കുമാർ, ലിബിൻ, വിമൽ, സനൽ ജ്യോതി തുടങ്ങിയവർ നേതൃത്വം നൽകി. ചിത്രം.. APLKY6CAT കായംകുളത്ത് അഗ്​നിരക്ഷാസംഘം വലയിലാക്കിയ കാട്ടുപൂച്ച