കള്ളുഷാപ്പിനെതിരെ ജനകീയ സമരം

ചെറിയനാട്: ജനവാസ മേഖലയിലെ കള്ളുഷാപ്പിനെതിരെ ജനകീയ സമരസമിതിയുടെ നേതൃത്വത്തിൽ സമരപ്രഖ്യാപന കൺവെൻഷൻ നടത്തി. ആരാധനാലയങ്ങളും വിവിധ ഓഫിസുകളുമുള്ള ജങ്​ഷനിൽ ആരംഭിച്ച ഷാപ്പ് അടിയന്തരമായി മാറ്റിസ്ഥാപിക്കണമെന്നാണ്​ ആവശ്യം. സ്ത്രീകൾ ഉൾപ്പെടെ പങ്കെടുത്ത സമരം പഞ്ചായത്ത് അംഗം എം. രജനീഷ് ഉദ്​ഘാടനം ചെയ്തു. സെന്റ് ജോർജ് ഓർത്തഡോക്സ് ചർച്ച് സെക്രട്ടറി മാത്യു എബ്രഹാം അധ്യക്ഷത വഹിച്ചു. ജനപ്രതിനിധി പ്രസന്നകുമാരി, ഉപദേശക സമിതി പ്രസിഡന്റ്‌ ശശിധരൻ, ഉണ്ണി മണ്ണാടിക്കൽ, ഉണ്ണി ഇടശ്ശേരിൽ, വി.ആർ. ശശി, സുനിൽ കുമാർ, സി.പി. ശ്രീജിത് എന്നിവർ സംസാരിച്ചു.