പാചക വാതക സിലിണ്ടറിന് തീപിടിച്ചു

മണ്ണഞ്ചേരി: പൊന്നാട് പള്ളിമുക്ക് ജങ്​ഷന് സമീപം തറയിൽ സലാഹുദ്ദീന്റെ വീട്ടിലെ സിലിണ്ടറിന്​ തീപിടിച്ചു. തിങ്കളാഴ്ച വൈകീട്ട്​ ഏഴ് മണിയോടെയായിരുന്നു അപകടം. വയർ പൂർണമായും കത്തി നശിച്ചു. ഓടിക്കൂടിയ നാട്ടുകാർ തീ അണച്ചു അപകടം ഒഴിവാക്കി. ആലപ്പുഴയിൽ നിന്ന് അഗ്​നിരക്ഷാസേന എത്തി ലീക്കായികൊണ്ടിരുന്ന ഗ്യാസ് സുരക്ഷിതമാക്കി. സേന അസി. സ്റ്റേഷൻ ഓഫിസർ ആർ. ജയസിംഹന്‍റെ നേതൃത്വത്തിൽ ഓഫിസർമാരായ വി. സന്തോഷ്, ജി. ഷൈജു, എസ്. സുജിത്ത്, ടി.ടി. സന്തോഷ് എന്നിവർ നേതൃത്വം നൽകി. പടം:അഗ്​നിരക്ഷാസേന രക്ഷപ്രവർത്തനം നടത്തുന്നു