ഗതാഗത നിയന്ത്രണം

ആലപ്പുഴ: അര്‍ത്തുങ്കല്‍ റോഡില്‍ തുമ്പോളി മുതല്‍ പൂങ്കാവ് വരെ ഇന്‍റര്‍ലോക്ക് ഇടുന്ന ജോലികള്‍ നടക്കുന്നതിനാല്‍ ചൊവ്വാഴ്ച മുതല്‍ രണ്ടാഴ്ചത്തേക്ക് ഇതുവഴിയുള്ള വാഹനഗതാഗതത്തിന് ഭാഗികനിയന്ത്രണം ഏര്‍പ്പെടുത്തിയതായി പൊതുമരാമത്ത് വകുപ്പ് അസി. എന്‍ജിനീയര്‍ അറിയിച്ചു. ലെൻസ്​ഫെഡ് ജില്ലസമ്മേളനം ഇന്ന് ആലപ്പുഴ: ലൈസൻസ്ഡ് എൻജിനീയേഴ്സ് ആൻഡ് സൂപ്പർവൈസേഴ്സ് ഫെഡറേഷന്റെ (ലെൻസ്​ഫെഡ്) 12ാമത് ജില്ല സമ്മേളനം ചൊവ്വാഴ്ച ചേർത്തല രാജീവ് ഗാന്ധി ടൗൺഹാളിൽ നടക്കും. രാവിലെ 9.30ന്​ എ.എം.ആരിഫ് എം.പി. ഉദ്ഘാടനം ചെയ്യും. ജില്ല പ്രസിഡന്‍റ്​ അനിൽകുമാർ ശിവദാസ് അധ്യക്ഷത വഹിക്കും. ദലീമ ജോജോ എം.എൽ.എ, ചേർത്തല നഗരസഭ ചെയർപേഴ്സൻ ഷെർളി ഭാർഗവൻ എന്നിവർ പ​ങ്കെടുക്കും.. നിർമാണ സാമഗ്രികളുടെ വിലക്കയറ്റം, ജി.എസ്.ടി.യുമായി ബന്ധപ്പെട്ട വിഷയങ്ങൾ എന്നിവ ചർച്ച ചെയ്യും. സമ്മേളനത്തിന്​ മുന്നോടിയായി നടന്ന സെമിനാർ പി.പി. ചിത്തരഞ്ജൻ എം.എൽ.എ. ഉദ്ഘാടനം ചെയ്തു. വാർത്തസമ്മേളനത്തിൽ ജില്ല പ്രസിഡന്‍റ്​ അനിൽകുമാർ ശിവദാസ്, സെക്രട്ടറി ടി.അരുണ, സംസ്ഥാന ജോ. സെക്രട്ടറി വി.ഡി. ജയകുമാർ, സംസ്ഥാന കമ്മിറ്റിയംഗം കെ. തൃതീപ് കുമാർ എന്നിവർ പ​ങ്കെടുത്തു. പരിപാടികൾ ഇന്ന്​ ആലപ്പുഴ വനിത-ശിശു ആശുപത്രി: വിവിധ വികസന പദ്ധതികളുടെ ഉദ്ഘാടനം മന്ത്രി വീണ ജോർജ്​ -രാവിലെ 9.30 കായംകുളം കൃഷി വിജ്ഞാന കേന്ദ്രം: കിസാന്‍ മേള ഉദ്​ഘാടനം മന്ത്രി പി. പ്രസാദ് -രാവിലെ 9.00 അരൂര്‍ ഗവ. ഹൈസ്​കൂൾ: പുതിയ കെട്ടിടത്തിന്‍റെ ഉദ്​ഘാടനം മന്ത്രി വി. ശിവൻകുട്ടി-ഉച്ച. 2.00