പി.ടി. ചെറിയാൻ അനുസ്മരണം

ആലപ്പുഴ: ഓൾ കേരള ഗോൾഡ് ആൻഡ്​ സിൽവർ മർച്ചന്‍റ്സ്​​ അസോസിയേഷൻ സ്ഥാപക അംഗമായിരുന്ന പി.ടി. ചെറിയാൻ അനുസ്മരണ സമ്മേളനവും മികച്ച പൊതുപ്രവർത്തകനുള്ള പി.ടി. ചെറിയാൻ മെമ്മോറിയൽ അവാർഡ് വിതരണവും ഞായറാഴ്ച നടക്കും. രാവിലെ 11ന്​ ആലപ്പുഴ ശിശുപരിചരണ കേന്ദ്രത്തിൽ എ.കെ.ജി.എസ്.എം.എ സംസ്ഥാന വർക്കിങ്​ പ്രസിഡന്‍റ്​ റോയി പാലത്ര അവാർഡ് ജേതാവ് വർഗീസ് വല്യക്കാന് സമ്മാനിക്കും. ഓൾ കേരള ഗോൾഡ് ആൻഡ്​ സിൽവർ മർച്ചന്‍റ്​സ്​ അസോസിയേഷൻ ജില്ല കമ്മിറ്റി സംഘടിപ്പിക്കുന്ന അനുസ്മരണ സമ്മേളനം സംസ്ഥാന സെക്രട്ടറി നസീർ പുന്നക്കൽ ഉദ്ഘാടനം ചെയ്യും. ഇതിനോട് അനുബന്ധിച്ച് ശിശുപരിചരണ കേന്ദ്രത്തിലെ കുട്ടികൾക്ക് ഒരുമാസത്തെ ഭക്ഷ്യസാധനങ്ങൾ നൽകും. apl cheriyan