കുരട്ടിക്കാട് നാഷനൽ ഗ്രന്ഥശാലയിൽ ഒഴിവുകാല കുട്ടിക്കൂട്ടം

മാന്നാർ: കുരട്ടിക്കാട് നാഷനൽ ഗ്രന്ഥശാലയുടെ വിദ്യാർഥികൾക്കുള്ള ഒഴിവുകാല കുട്ടിക്കൂട്ടം സഹാവാസ ക്യാമ്പ്​ ശ്രീഭൂവന്വേശ്വരി സ്കൂളിൽ ആരംഭിച്ചു. പഠനം, പാട്ട്, കളികൾ, ശാസ്ത്ര പരീക്ഷണങ്ങൾ, വാന നിരീക്ഷണം പരിപാടികളോടെ സംഘടിപ്പിച്ച ക്യാമ്പിന്റെ ഉദ്ഘാടനം മാന്നാർ ഗ്രാമപഞ്ചായത്ത് പ്രസിഡന്റ്​ ടി.വി. രത്നകുമാരി നിർവഹിച്ചു. ആരോഗ്യ-വിദ്യാഭ്യാസ സ്ഥിരം സമിതി ചെയർമാൻ വത്സല ബാലകൃഷ്ണൻ അധ്യക്ഷത വഹിച്ചു. ചെങ്ങന്നൂർ താലുക്ക് ലൈബ്രറി കൗൺസിൽ സെക്രട്ടറി ഷാജ്​ ലാൽ, പി.എൻ. ശെൽവരാജൻ, എൽ.പി. സത്യപ്രകാശ്, മുരളി മോഹൻ എന്നിവർ സംസാരിച്ചു. ബിജു മാവേലിക്കര, മുരളി കാട്ടൂർ, ഡോ. അരവിന്ദ്, പ്രവീൺ ലാൽ, ടി.സി. സുരേഷ് എന്നിവർ ക്ലാസ്​ നയിച്ചു.