കെ-റെയിൽ: മുഖ്യമന്ത്രിയുടെ മനോനില പരിശോധിക്കണം –കെ. സുധാകരൻ

ആലപ്പുഴ: കടക്കെണിമൂലം കർഷകർ ആത്മഹത്യ ചെയ്യുന്ന കേരളത്തിൽ രണ്ട്​ ലക്ഷം കോടി കടമെടുത്ത് കെ-റെയിൽ നിർമിക്കുമെന്ന് പ്രഖ്യാപിച്ച മുഖ്യമന്ത്രിയുടെ മനോനില പരിശോധിക്കേണ്ടതാണെന്ന് കെ.പി.സി.സി പ്രസിഡന്‍റ്​ കെ. സുധാകരൻ എം.പി. കുട്ടനാടൻ കാർഷിക മേഖലയിൽ കർഷകരെയും കർഷക തൊഴിലാളികളെയും സംഘടിപ്പിച്ച് കമ്യൂണിസ്റ്റ് പാർട്ടിയെ വളർത്തിയ സഖാക്കൾ ജീവനും ചോരയും നൽകിയ ആ വിഭാഗത്തോട് കടുത്ത വഞ്ചനയാണ് കാട്ടുന്നത്​. കേരളത്തിൽ മുതലാളിത്തത്തെ തലോടുകയും തൊഴിലാളിദ്രോഹം കാട്ടുകയും ചെയ്യുന്ന പിണറായിക്കും കമ്യൂണിസ്റ്റ് പാർട്ടിക്കും കാലം മാപ്പുനൽകില്ലെന്നും സുധാകരൻ പറഞ്ഞു. ഡി.സി.സി നേതൃയോഗം ഉദ്​ഘാടനം ചെയ്യുകയായിരുന്നു അദ്ദേഹം. ഡി.സി.സി പ്രസിഡന്‍റ്​ ബി. ബാബുപ്രസാദ് അധ്യക്ഷത വഹിച്ചു. രാഷ്ട്രീയകാര്യ സമിതി അംഗം എം. ലിജു, കെ.പി.സി.സി ജനറൽ സെക്രട്ടറിമാരായ എ.എ. ഷുക്കൂർ, എം.ജെ. ജോബ്, കെ.പി. ശ്രീകുമാർ, ജില്ല യു.ഡി.എഫ് ചെയർമാൻ സി.കെ. ഷാജിമോഹൻ, ബി. ബൈജു, ഇ. സമീർ, എം. രവീന്ദ്രദാസ്​, കെ.ആർ. രാജേന്ദ്രപ്രസാദ്, ബാബു ജോർജ്, ടി. സുബ്രഹ്മണ്യദാസ്​, ജി. സഞ്ജീവ് ഭട്ട്, ജി. മനോജ്കുമാർ, വി. ഷുക്കൂർ, ടി.വി. രാജൻ, ബി. രാജലക്ഷ്മി, ശ്രീദേവി രാജൻ, എം.പി. സജീവ്, സജി കുര്യാക്കോസ്​, കെ. ഗോപകുമാർ, ശ്രീജിത്ത് പത്തിയൂർ എന്നിവർ സംസാരിച്ചു. APL CONGRESS ജില്ല കോൺഗ്രസ് കമ്മിറ്റി നേതൃയോഗം കെ.പി.സി.സി പ്രസിഡന്റ് കെ. സുധാകരൻ എം.പി ഉദ്‌ഘാടനം ചെയ്യുന്നു 'പെൻഷൻ പരിഷ്കരണം നടപ്പാക്കണം' ആലപ്പുഴ: കെ.എസ്.ആർ.ടി.സിയിൽ പെൻഷൻ പരിഷ്കരണം നടപ്പാക്കണമെന്ന് കെ.എസ്.ആർ.ടി.സി പെൻഷനേഴ്സ് ഓർഗനൈസേഷൻ യൂനിറ്റ് സമ്മേളനം ആവശ്യപ്പെട്ടു. പ്രസിഡന്റ് ബേബി പാറക്കാടൻ ഉദ്​ഘാടനം ​ചെയ്തു. വി. രാധാകൃഷ്ണൻ, കേന്ദ്രസമിതി അംഗം ജി. തങ്കമണി, എം.പി. പ്രസന്നൻ, കെ.എം. സിദ്ധാർഥൻ, എ. ബഷീർകുട്ടി, എസ്. പ്രേംകുമാർ, ടി.സി. ശാന്തിലാൽ, എം. പുഷ്പാംഗദൻ, എം.ജെ. സ്റ്റീഫൻ, ഇ.എ. ഹക്കീം, കെ.ജെ. ആന്‍റണി, എ.എസ്​. പത്മകുമാരി, കെ.ടി. മാത്യു, ജി. ബാലമുരളി എന്നിവർ സംസാരിച്ചു.