ചെങ്ങന്നൂർ ദേവി തൃപ്പൂത്തായി: ആറാട്ട് വെള്ളിയാഴ്ച

ചെങ്ങന്നൂര്‍: ചെങ്ങന്നൂര്‍ ദേവി തൃപ്പൂത്തായി. ആറാട്ട് വെള്ളിയാഴ്ച രാവിലെ 7.30ന്​ പമ്പാനദിയിലെ മിത്രപ്പുഴ കടവില്‍ നടക്കും. മലയാളവര്‍ഷത്തിലെ ഏഴാമത്തെ തൃപ്പൂത്താറാട്ട് ചടങ്ങുകൾക്ക് താഴമൺ തന്ത്രികൾ കണ്​ഠരര് മോഹനര് മുഖ്യകാർമികത്വം വഹിക്കും. ആറാട്ട് ഘോഷയാത്ര ക്ഷേത്രത്തി‍ൻെറ പടിഞ്ഞാറേ നടയിലെത്തിയശേഷം പ്രത്യേകം സജ്ജമാക്കിയ മണ്ഡപത്തിൽ ഭക്തർക്ക് മഞ്ഞൾപറ, നെൽപറ സമർപ്പണം നടക്കും. തുടർന്ന് പ്രദക്ഷിണം പൂർത്തിയാക്കി ദേവകളെ ശ്രീകോവിലിലേക്ക് ആനയിക്കും. പിന്നീട് ഇരുനടയിലും കളഭാഭിഷേകവും വിശേഷാല്‍പൂജകളും നടക്കും.