കാറ്റിലും കോളിലും പതറാതെ കടലി‍െൻറ മക്കളുടെ നോമ്പ്​

കാറ്റിലും കോളിലും പതറാതെ കടലി‍ൻെറ മക്കളുടെ നോമ്പ്​ ആറാട്ടുപുഴ: കാറ്റിലും കോളിലും പതറാതെ കടലി‍ൻെറ മക്കളുടെ നോമ്പ്​. പകലുകൾ ചുട്ടുപൊള്ളുന്ന ആഴക്കടലിലാണെങ്കിലും മതവിശ്വാസവും അനുഷ്ഠാനവും മുറുകെപ്പിടിച്ചാണ്​ ഇവരുടെ തൊഴിൽ. ഉൾക്കടലി‍ൻെറ ഓളപ്പരപ്പിന് മീതെ മത്സ്യബന്ധനത്തിന് പോകുമ്പോഴുണ്ടാകുന്ന പ്രയാസം ചെറുതല്ല. പകലി‍ൻെറ വേനൽകാഠിന്യമടക്കം എന്തൊക്കെ പ്രതിസന്ധിയുണ്ടായാലും നോമ്പിനെ കൈവിടാൻ അവർ ഒരുക്കമല്ല. നോമ്പില്ലാതെ പകൽ കഴിയുകയെന്നത്​ വല്ലാത്തൊരു പ്രയാസമാണ്. എത്ര വലിയ കഠിനാധ്വാനമുള്ള പണിയാണെങ്കിലും നോമ്പുപേക്ഷിക്കാൻ മനസ്സുവരില്ലെന്ന് 'മിന്നൽക്കൊടി' വള്ളത്തിലെ മത്സ്യ​ത്തൊഴിലാളി ആറാട്ടുപുഴ മേലെടുത്ത് കാട്ടിൽ അബ്ദുൽവാഹിദ് പറയുന്നു. മത്സ്യബന്ധനത്തിന്​ പുലർച്ച രണ്ടിനാണ്​ കടലിലേക്ക് പുറപ്പെടുക. ഇടയത്താഴം അതിനുമുമ്പ് വീട്ടിൽനിന്ന്​ കഴിക്കും. കടലിനെപോലും തിളപ്പിക്കുന്ന നട്ടുച്ചനേരത്തെ ചൂടിൽ ഇവർ കടലിലായിരിക്കും. ഈ സമയത്ത് ശരീരം തളർന്നുപോകുമെങ്കിലും ആത്മീയമായി ലഭിക്കുന്ന ഉന്മേഷം ശരീരത്തി‍ൻെറ അവശതയെ അതിജീവിക്കും. തീരമണയുന്നതിന് കൃത്യമായ സമയമില്ല. കാര്യമായി പണി ലഭിച്ചില്ലെങ്കിൽ ഉച്ചകഴിയുമ്പോൾ കരയിലെത്തും. പണിയുണ്ടെങ്കിൽ നോമ്പ് തുറക്കുന്ന സമയത്താകും തീരമണയുക. ചില ദിവസങ്ങളിൽ വള്ളത്തിലെ പരിമിതസൗകര്യത്തിൽ നോമ്പ് തുറക്കും. പുണ്യങ്ങൾക്ക്​ ദൈവം തമ്പുരാൻ പൂക്കാലം തീർക്കുമ്പോൾ ത്യാഗം സഹിച്ചായാലും അതി‍ൻെറ കുളിർമ നേടിയെടുത്തില്ലെങ്കിൽ അത് വലിയ നഷ്ടമാണെന്ന്​ തൊഴിലാളികൾ പറയുന്നു. APL vallam arattupuzha ആറാട്ടുപുഴയിൽനിന്ന്​ മത്സ്യബന്ധനത്തിന്​ വള്ളത്തിൽ കടലിലേക്ക്​ പോകാൻ തയാറെടുക്കുന്ന തൊഴിലാളികൾ