ട്രാവൽസ് ഉടമ മർദിച്ചതായി പരാതി

കായംകുളം: വിസ തട്ടിപ്പ് ചോദിക്കാൻ എത്തിയവരെ . പത്തനംതിട്ട ചുട്ടിപ്പാറ വടക്കേ ചരുവിൽ മെഹബൂബ് (47), ഭാര്യ ജുമൈല (45), ആറ്റിങ്ങൽ കെ.ആർ ഹൗസിൽ സബീന (47), മകൻ നൗഫൽ (22) എന്നിവർക്കാണ് മർദനമേറ്റത്. ശനിയാഴ്ച വൈകീട്ടായിരുന്നു സംഭവം. ട്രാവൽസ് ഉടമ ഐക്യജങ്​ഷൻ സ്വദേശി ഹബീബിനെതിരെ ഇവർ കായംകുളം പൊലീസിൽ പരാതി നൽകി. സബീനയുടെ മകൻ ഷിജിനെ ദുബൈയിൽ കൊണ്ടുപോയതുമായി ബന്ധപ്പെട്ട തർക്കമാണ് കാരണം. വിസ നൽകുമ്പോൾ പറഞ്ഞ ഉറപ്പുകൾ ലംഘിക്കപ്പെട്ടത്രെ. ഷിജിൻ ജോലിയില്ലാതെ കുടുങ്ങിയ അവസ്ഥയിലായത് സംബന്ധിച്ച വിവരം തിരക്കാൻ എത്തിയ തങ്ങളെ പ്രകോപനമില്ലാതെ മർദിക്കുകയായിരുന്നെന്ന് നൗഫൽ പറഞ്ഞു.