കാറിടിച്ച് സ്കൂട്ടർ യാത്രക്കാരന് പരിക്ക്

അമ്പലപ്പുഴ: കാറിടിച്ച് സ്കൂട്ടർ യാത്രക്കാരന് ഗുരുതര പരിക്ക്. തകഴി വിരുപ്പാല നാലുപറയിൽ സോമനാണ്​ (65) പരിക്കേറ്റത്. ദേശീയപാതയിൽ കാക്കാഴം റെയിൽവേ മേൽപാലത്തിന് വടക്ക് ശനിയാഴ്ച ഉച്ചക്കായിരുന്നു അപകടം. ഇദ്ദേഹത്തിന്‍റെ സ്കൂട്ടറിനുപിന്നിൽ കാറിടിച്ചാണ് അപകടമുണ്ടായത്. തലക്ക് ഗുരുതര പരിക്കേറ്റ ഇദ്ദേഹത്തെ ആലപ്പുഴ മെഡിക്കൽ കോളജ്​ ആശുപത്രിയിൽ പ്രവേശിപ്പിച്ചു.