വ്യാസജയന്തി ആഘോഷം സംഘടിപ്പിച്ചു

അമ്പലപ്പുഴ: വ്യാസ മഹാസഭയുടെ നേതൃത്വത്തിൽ വ്യാസ ജയന്തി ആഘോഷം സംഘടിപ്പിച്ചു. പുറക്കാട്‌ പുത്തൻനട ശ്രീ ഭഗവതി ക്ഷേത്രത്തിൽ നടന്ന ആഘോഷ പരിപാടി സംസ്ഥാന പ്രസിഡന്‍റ്​ കെ.ഡി. രാമകൃഷ്ണൻ ഉദ്​ഘാടനം ചെയ്തു. ഗിന്നസ് ബുക്കിൽ ഇടംനേടിയ നീന്തൽ താരം ഡോൾഫിൻ രതീഷിനെയും ഇന്ത്യ ബുക്ക് ഓഫ് റെക്കോഡ്, ഏഷ്യ ബുക്ക് ഓഫ് റെക്കോഡ്​ എന്നിവയിൽ ഇടം നേടിയ അമൽ കൃഷ്ണൻ എന്നിവരെയും ആദരിച്ചു. ഇതോടൊപ്പം മുതിർന്ന പൗരന്മാരെ സംസ്ഥാന ഉപദേശക സമിതി അധ്യക്ഷൻ വി.സി. റാം മോഹൻ, സംസ്ഥാന സെക്രട്ടറി അജിത്ത് മാങ്ങാടൻസ് എന്നിവർ ചേർന്ന് ആദരിച്ചു. സംസ്ഥാന വർക്കിങ് പ്രസിഡന്‍റ്​ വിജയൻ നളന്ദ അധ്യക്ഷത വഹിച്ചു. സംസ്ഥാന സമിതി അംഗങ്ങളായ പ്രദീപ് തോപ്പിൽ, ട്രഷറർ കെ. കനകേശ്വരൻ, ജില്ല പ്രസിഡന്‍റ്​ ജി. പരമേശ്വരൻ, സംസ്ഥാന വൈസ് ജയപ്രകാശ് തുടങ്ങിയവർ സംസാരിച്ചു.