കോവിഡ് പ്രതിരോധം: വിമുഖത പാടില്ലെന്ന് ആരോഗ്യവകുപ്പ്

ആലപ്പുഴ: കോവിഡ് രോഗപ്രതിരോധ ജാഗ്രത കൈവിടരുതെന്നും വാക്സിന്‍ സ്വീകരിക്കുന്നത് ഒഴിവാക്കരുതെന്നും ജില്ല മെഡിക്കല്‍ ഓഫിസര്‍ (ആരോഗ്യം) അറിയിച്ചു. 60 വയസ്സ്​ കഴിഞ്ഞവരും കോവിഡ് ചികിത്സ-പ്രതിരോധ നടപടികളുടെ മുന്‍നിരപ്രവര്‍ത്തകരും കരുതല്‍ ഡോസ് (മൂന്നാമത്തെ ഡോസ്) വാക്സിന്‍ എടുക്കണം. 15 വയസ്സുകഴിഞ്ഞ കുട്ടികളില്‍ രണ്ടാമത്തെ ഡോസ് വാക്‌സിന്‍ എടുക്കാത്തവര്‍ ഉടനെടുക്കണം. 12 മുതല്‍ പ്രായമുള്ള കുട്ടികള്‍ പരീക്ഷ കഴിയുന്ന മുറക്ക്​ പ്രതിരോധ കുത്തിവെപ്പ്​ എടുക്കണം. ഇക്കാര്യത്തില്‍ അധ്യാപകരും രക്ഷാകര്‍ത്താക്കളും പ്രത്യേക ജാഗ്രത പുലര്‍ത്തണം. എന്തെങ്കിലും കാരണത്താല്‍ ഇതുവരെ രണ്ടാം ഡോസ് വാക്‌സിന്‍ സ്വീകരിക്കാന്‍ കഴിയാത്തവരും ഉടന്‍ വാക്‌സിന്‍ എടുക്കണമെന്ന് ഡി.എം.ഒ അറിയിച്ചു. ദേവികുളങ്ങരയില്‍ ഉത്സവച്ചന്ത ആരംഭിച്ചു ആലപ്പുഴ: ദേവികുളങ്ങര ഗ്രാമപഞ്ചായത്തില്‍ കുടുംബശ്രീ സി.ഡി.എസിന്‍റെ നേതൃത്വത്തില്‍ ഉത്സവച്ചന്ത ആരംഭിച്ചു. കുടുംബശ്രീ അംഗങ്ങള്‍ ഉൽപാദിപ്പിച്ച നാടന്‍ ജൈവ പച്ചക്കറികളാണ് ദേവികുളങ്ങര ക്ഷേത്രത്തിലെ ഉത്സവത്തോടനുബന്ധിച്ച് ഒരുക്കിയ ചന്തയില്‍ വിപണനം നടത്തുന്നത്​. ഗ്രാമപഞ്ചായത്ത് പ്രസിഡന്‍റ് എസ്. പവനനാഥന്‍ ഉദ്ഘാടനം ചെയ്തു. സി.ഡി.എസ്. ചെയര്‍പേഴ്‌സൻ ഇന്ദിര ബായി അധ്യക്ഷത വഹിച്ചു. പരിപാടികൾ ഇന്ന്​ ജില്ല പഞ്ചായത്ത്​ കോൺഫറൻസ്​ ഹാൾ: ലോക ഓട്ടിസം ദിനാചരണം ജില്ലതല ഉദ്​ഘാടനം ജില്ലപഞ്ചായത്ത്​ പ്രസിഡന്‍റ്​ കെ.ജി. രാജേശ്വരി -രാവിലെ 9.30 പള്ളാത്തുരുത്തി ഇളങ്കാവ്​ ഭഗവതിക്ഷേത്രം: തിരുവാതിര ഉത്സവം. കൊടിയേറ്റ്​ -രാവിലെ 10.45 ചമ്പക്കുളം എസ്​.എച്ച്​ യു.പി സ്കൂൾ: ശതാബ്ദിയാഘോഷം. സമാപനസമ്മേളനം ഉദ്​ഘാടനം മന്ത്രി പി. പ്രസാദ് ​-ഉച്ച.2.30 അമ്പലപ്പുഴ താലൂക്ക്​ ഓഫിസ്​: അമ്പലപ്പുഴ താലൂക്ക്​ വികസനസമിതി യോഗം -രാവിലെ 10.30 ചേർത്തല എസ്​.എൻ കോളജിനുസമീപം: കഞ്ഞിക്കുഴി പഞ്ചായത്ത്​ മുല്ലപ്പൂസംഭരണ കേന്ദ്രം ഉദ്​ഘാടനം മന്ത്രി പി. പ്രസാദ് -രാവിലെ 8.00