ജനകീയ മത്സ്യകൃഷി വിളവെടുപ്പ്​

ബുധനൂർ: ഫിഷറീസ്-കൃഷി വകുപ്പുകളുടെ സംരംഭങ്ങളായ ജനകീയ മത്സ്യകൃഷി വിളവെടുപ്പിന്റെയും ഗ്രീൻ ഗാർഡൻ അഗ്രികൾചറൽ പ്ലാൻറ് നഴ്സറി, വെജിറ്റബിൾ മാർക്കറ്റ് എന്നിവയുടെ ഉദ്ഘാടനവും മന്ത്രി സജി ചെറിയാൻ നിർവഹിച്ചു. ബുധനൂർ ഗവ. ഹയർ സെക്കൻഡറി സ്കൂളിനു സമീപമുള്ള ആലംകോട്ട് ഗ്രീൻ ഗാർഡൻ അങ്കണത്തിൽ നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് പുഷ്പലത മധു അധ്യക്ഷത വഹിച്ചു. ജില്ല പഞ്ചായത്ത് പൊതുമരാമത്ത് സ്ഥിരം സമിതി ചെയർപേഴ്സൻ അംബിക മോഹൻ, പുലിയൂർ ഗ്രാമ പഞ്ചായത്ത് പ്രസിഡന്റ് എം.ജി. ശ്രീകുമാർ, ബുധനൂർ ഗ്രാമപഞ്ചായത്ത് വൈസ് പ്രസിഡന്റ് ജി. രാമകൃഷ്ണൻ, അഡ്വ. ഡി. വിജയകുമാർ, ജോസ് കുളങ്ങര എന്നിവർ സംസാരിച്ചു. അഞ്ജലി വേണുഗോപാൽ സ്വാഗതവും എ.ആർ. വരദരാജൻ നായർ നന്ദിയും പറഞ്ഞു.