കുടുംബശ്രീ ഫുട്ബാൾ: താമരക്കുളം വിജയികൾ

ചാരുംമൂട്: കുടുംബശ്രീ ജില്ല മിഷൻ സംഘടിപ്പിച്ച വനിത ഫുട്ബാൾ ടൂർണമെന്റിൽ താമരക്കുളം സി.ഡി.എസ് ടീം 'സ്ത്രീപക്ഷ നവകേരളം' കപ്പ് നേടി. പാതിരാപ്പൂരം പരിപാടിയുടെ ഭാഗമായി ആലപ്പുഴ ബീച്ചിൽ സംഘടിപ്പിച്ച ടൂർണമെന്റിൽ 30 ടീമുകൾ പങ്കെടുത്തു. ഭരണിക്കാവ് സി.ഡി.എസ് ടീം ഫസ്റ്റ് റണ്ണർ അപ്പായി. താമരക്കുളം ചത്തിയറ ഫുട്ബാൾ അക്കാദമി കോച്ച് ആർ. ഗിരിജ, സി.ഡി.എസ് ചെയർപേഴ്സൻ ഡി. സതി തുടങ്ങിയവരുടെ നേതൃത്വത്തിലാണ് ടീം പങ്കെടുത്തത്. ഫോട്ടോ: കുടുംബശ്രീ ജില്ല മിഷൻ സംഘടിപ്പിച്ച ഫുട്ബാൾ ടൂർണമെന്റിൽ ജേതാക്കളായ താമരക്കുളം സി.ഡി.എസ് ടീം