കെ-റെയിൽ വിരുദ്ധ പദയാത്ര

ചെങ്ങന്നൂർ: ബി.ജെ.പി ജില്ല പ്രസിഡന്‍റ്​ എം.വി. ഗോപകുമാർ നയിക്കുന്ന കെ- റെയിൽ വിരുദ്ധ പദയാത്ര ചൊവ്വാഴ്ച ഉച്ചക്ക്​ രണ്ടിന്​ മുളക്കുഴ സെഞ്ചുറി ജങ്​ഷനിൽ സംസ്ഥാന പ്രസിഡന്‍റ്​ കെ. സുരേന്ദ്രൻ ഉദ്​ഘാടനം ചെയ്യും. മുളക്കുഴ, പാറപ്പാട്, പെരിങ്ങാല, പൊട്ടകുളം, സി.എസ്.ഐ ജങ്​ഷൻ, മോടിയിൽ എന്നിവിടങ്ങളിലൂടെ സഞ്ചരിച്ച് കൊഴുവല്ലൂർ അറന്തക്കാട് ജങ്​ഷനിൽ സമാപിക്കും. സമാപന സമ്മേളനം ബി.ജെ.പി സംസ്ഥാന വക്താവ് സന്ദീപ് വാര്യർ ഉദ്​ഘാടനം ചെയ്യും.