ഭരണിക്കാവിൽ ജനക്ഷേമ പദ്ധതികൾ

കറ്റാനം: കിടപ്പുരോഗികൾക്കും നിരാശ്രരായവർക്കും ഒരുനേരത്തെ ഭക്ഷണം വീടുകളിൽ എത്തിച്ചുനൽകുന്ന ഒരുനേരം പദ്ധതിയിലൂടെ ജനക്ഷേമ ബജറ്റുമായി ഭരണിക്കാവ് പഞ്ചായത്ത്. നാശോന്മുഖമായ മുഴുവൻ നീർച്ചാലുകളും ജലസ്രോതസ്സുകളും പുനരുജ്ജീവിപ്പിക്കുന്നതിനായി 'നീർവഴിയൊരുക്കം' പദ്ധതിയും മാതൃകാപരമാണ്. ഓണാട്ടുകരയുടെ അന്യംനിന്നുപോയ എള്ളുകൃഷിയുടെ വിണ്ടെടുപ്പും സ്വപ്നനികേതം ഭവനപദ്ധതികളും വിഭാവനം ചെയ്യുന്നുണ്ട്​. 28.85 കോടി രൂപ വരവും 28.49 ചെലവും പ്രതീക്ഷിക്കുന്ന ബജറ്റ് വൈസ് പ്രസിഡന്‍റ്​ സുരേഷ് പി. മാത്യു അവതരിപ്പിച്ചു. പ്രസിഡന്‍റ്​ കെ. ദീപ അധ്യക്ഷത വഹിച്ചു.