പട്ടണക്കാട് ബ്ലോക്ക് പഞ്ചായത്ത് ബജറ്റ് നിരാശജനകമെന്ന് പ്രതിപക്ഷം

തുറവൂർ: പട്ടണക്കാട് ബ്ലോക്ക് പഞ്ചായത്തിൽ വൈസ് പ്രസിഡന്‍റ്​ ആർ. ജീവൻ അവതരിപ്പിച്ച ബജറ്റ് തികഞ്ഞ പരാജയവും നിരാശജനകവുമാണെന്ന് പ്രതിപക്ഷ നേതാവ് എൻ.കെ. രാജീവൻ. ചില മേഖലകളെ സ്പർശിക്കുകയും മറ്റുമേഖലകളെ പൂർണമായും ഒഴിവാക്കിയുമുള്ള ബജറ്റാണിത്. തീരപ്രദേശങ്ങളാൽ ചുറ്റപ്പെട്ട ബ്ലോക്കിൽ ധാരാളം മത്സ്യത്തൊഴിലാളികൾ തിങ്ങിപ്പാർക്കുന്നുണ്ട്. അവരുടെ ഉന്നമനത്തിന്​ നീക്കിവെച്ചിരിക്കുന്നത് അഞ്ചുലക്ഷം മാത്രമാണ്​. ഏഴ് പഞ്ചായത്തിലേക്ക് ഈ തുക അപര്യാപ്തമാണ്​. യുവാക്കളുടെ കാര്യത്തിൽ ഒരുരൂപപോലും വകയിരുത്തിയിട്ടില്ല. കയർ വ്യവസായ മേഖലക്ക് ചെറിയ പരിഗണന നൽകി ബാക്കിയുള്ള മേഖലകളെ പൂർണമായും ഒഴിവാക്കി. മുൻകാല ബജറ്റുകളുടെ തനിയാവർത്തനമാണെന്നും രാജീവൻ ആരോപിച്ചു.