വഴിവിളക്കുകൾ കണ്ണടച്ചു; ദേശീയപാത ഇരുട്ടിൽ

തുറവൂർ: തിരക്കേറിയ ദേശീയപാത 66ൽ വഴിവിളക്കുകൾ തെളിയുന്നില്ല. അരൂർ മുതൽ തുറവൂർ വരെ മീഡിയനുകളിൽ സ്ഥാപിച്ചിരിക്കുന്ന വൈദ്യുതി വിളക്കുകളാണ് മിഴികളടച്ചത്. ഇതുമൂലം ദേശീയപാത ഇരുട്ടിലായതോടെ അപകടങ്ങളും കൂടി. റോഡിൽ വേണ്ടത്ര വെളിച്ചം ഇല്ലാത്തതിനാൽ സൈക്കിൾ ഉൾപ്പെടെ ഇരുചക്രവാഹനങ്ങളും കാൽനടക്കാരുമാണ് കൂടുതലും അപകടങ്ങളിൽപെടുന്നത്​. ദേശീയപാതയിലെ വഴിവിളക്കുകളുടെ പരിപാലന ചുമതലയുള്ള തദ്ദേശ സ്ഥാപനങ്ങൾ സമയബന്ധിതമായി അറ്റകുറ്റപ്പണി നടത്താത്തതാണ് പാത ഇരുട്ടിലാകാൻ കാരണം. പടം : ദേശീയപാതയിൽ വഴിവിളക്കുകൾ കണ്ണടച്ച നിലയിൽ