സ്വകാര്യബസ് സമരം രണ്ടാം ദിവസവും പൂർണം

കായംകുളം: വിവിധ ആവശ്യങ്ങളുന്നയിച്ച്​ നടക്കുന്ന സ്വകാര്യബസ് സമരം രണ്ടാം ദിവസവും ജില്ലയിൽ പൂർണം. കോവിഡ് വ്യാപനത്തിനുശേഷം റോഡിലിറങ്ങിയ ബസുകൾ മാസങ്ങളായി ഭീമമായ നഷ്ടത്തിലാണ് സർവിസ് നടത്തുന്നത്. ഡീസലിന്റെ സംസ്ഥാന നികുതി ഒഴിവാക്കിയും കോവിഡ് വ്യാപനം കഴിയുന്നതുവരെ റോഡ് ടാക്സ് ഒഴിവാക്കിയും സ്വകാര്യബസ് വ്യവസായം നിലനിർത്താൻ സർക്കാർ സഹായിക്കണമെന്ന ആവശ്യം സർക്കാർ നിരാകരിച്ചിരുന്നു. വിഷയത്തിൽ പരിഹാരമായില്ലെങ്കിൽ ജില്ലയിലെ മുഴുവൻ ബസും ജി ഫോറം നൽകി കയറ്റിയിടുമെന്ന്​ പ്രൈവറ്റ് ബസ് ഓപറേറ്റേഴ്സ് അസോസിയേഷൻ ജില്ല പ്രസിഡന്‍റ്​ പാലമുറ്റത്ത് വിജയകുമാർ പറഞ്ഞു.