പള്ളിപ്പാട് പഞ്ചായത്ത് ബജറ്റ് ശുചിത്വ, കാർഷിക മേഖലകൾക്ക് പരിഗണന

പള്ളിപ്പാട് പഞ്ചായത്ത് ബജറ്റ് ശുചിത്വ, കാർഷിക മേഖലകൾക്ക് പരിഗണന ഹരിപ്പാട്: ശുചിത്വ, കാർഷിക, പാർപ്പിട മേഖലകൾക്ക് മികച്ച പരിഗണന നൽകി പള്ളിപ്പാട് ഗ്രാമപഞ്ചായത്തിന്റെ 2022-23 സാമ്പത്തിക വർഷത്തെ ബജറ്റ് വൈസ് പ്രസിഡന്റ് തോമസ് മാത്യു അവതരിപ്പിച്ചു. പട്ടികജാതി-വർഗ വിഭാഗങ്ങളുടെ ഉന്നമനത്തിനുള്ള പദ്ധതികൾക്കും കൂടുതൽ തുക വകയിരുത്തി. ക്ഷീരകർഷകർക്കുള്ള പദ്ധതികൾക്കും കന്നുകുട്ടി പരിപാലനത്തിനും സഹായമനുവദിക്കും. 19,15,02,669 രൂപ വരവും 18,30,33,500 രൂപ ചെലവും പ്രതീക്ഷിക്കുന്നതാണ്​ ബജറ്റ്​. പഞ്ചായത്ത് പ്രസിഡന്റ് അജിത അരവിന്ദന്‍‍ അധ്യക്ഷത വഹിച്ചു.