ബൈക്ക് മോഷ്ടാവ് അറസ്റ്റിൽ

കായംകുളം: മോഷ്ടിച്ച ബൈക്കുമായി പോകവെ അപകടത്തിൽപ്പെട്ട്​ പിടിയിലായി. കൊല്ലം പള്ളിത്തോട്ടം സ്നേഹതീരം നഗർ റീസെറ്റിൽമെന്റ് കോളനിയിൽനിന്നും കൊല്ലം ഇരവിപുരം ആറ്റുകാൽ കടവ് മുറിയിൽ തെക്കേ നഗർ കൃഷ്ണ കൃപ വീട്ടിൽ വാടകക്ക്​ താമസിക്കുന്ന ജോയലാണ് (18) അറസ്റ്റിലായത്. പുതുപ്പള്ളി പ്രയാർ വടക്ക് ചാങ്കൂർ വീടിന്റെ ഷെഡിൽനിന്നും കഴിഞ്ഞ 15ന് പുലർച്ചയാണ് ബൈക്ക് മോഷ്ടിച്ചത്. ഇതുമായി പോകവെ മൂന്ന് മണിക്കൂറിനുള്ളിൽ കൊല്ലം അഞ്ചു കല്ലുംമൂട്ടിൽ ജങ്​ഷന് സമീപം ബൈക്ക് നിയന്ത്രണം വിട്ട് മതിലിൽ ഇടിച്ചാണ് അപകടത്തിൽ പെട്ടത്. കൊല്ലം ജില്ലയിൽ മോഷണം ഉൾപ്പെടെ നിരവധി കേസുകളിൽ പ്രതിയാണ്. APLKY1BIKE