മുസ്‌ലിം ലീഗ് ജനാധിപത്യ രീതിയിൽ പോരാടും -പി.കെ. ഫിറോസ്

തൃക്കുന്നപ്പുഴ: ന്യൂനപക്ഷങ്ങൾക്കും ദലിത് സമൂഹത്തിനും എതിരെ നിരന്തര ആക്രമണങ്ങളും മൗലിക അവകാശങ്ങൾ നിഷേധിക്കലും വർധിക്കുന്ന കാലത്ത് രാജ്യത്തെ ജനാധിപത്യത്തിലും നിയമത്തിലും വിശ്വാസമർപ്പിച്ച് മുസ്‌ലിം ലീഗ് പോരാട്ടം നടത്തുമെന്ന് യൂത്ത്​ലീഗ് സംസ്ഥാന ജനറൽ സെക്രട്ടറി പി.കെ. ഫിറോസ്. 'സ്വത്വ രാഷ്ട്രീയം സാമൂഹിക പുരോഗതിക്ക്​' പ്രമേയവുമായി യൂത്ത്​ലീഗ് സംസ്ഥാന കമ്മിറ്റി 26ന് ആലപ്പുഴയിൽ നടത്തുന്ന ദക്ഷിണമേഖല സമ്മേളനഭാഗമായി തൃക്കുന്നപ്പുഴ പഞ്ചായത്തിലെ വിവിധ ഭാഗങ്ങളിൽ നടന്ന യൂനിറ്റ് സംഗമങ്ങൾ ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന ഭാരവാഹികളായ മുഹമ്മദലി കണ്ണൂർ, അഷ്​റഫ് എടനീർ, ജില്ല പ്രസിഡന്‍റ്​ ബിജു കായംകുളം, ജനറൽ സെക്രട്ടറി ഷാഫി കാട്ടിൽ, ട്രഷറർ സിബി കാസിം, എ. ഷാജഹാൻ, സിയാർ തൃക്കുന്നപ്പുഴ, അബ്ദുൽ റഹ്​മാൻ, റെജില ടീച്ചർ, എം.എം. സിയാദ്, അനസ് പുത്തൻപുരക്കൽ, സലീം ഖാൻ കരുവാറ്റ, നജീം അബൂബക്കർ തുടങ്ങിയവർ വിവിധ സംഗമങ്ങളിൽ സംസാരിച്ചു. APL YOUTH LEAGUE തൃക്കുന്നപ്പുഴ പാനൂരിൽ നടന്ന യൂത്ത്​ലീഗ് യൂനിറ്റ് സംഗമം സംസ്ഥാന ജനറൽ സെക്രട്ടറി പി.കെ. ഫിറോസ് ഉദ്‌ഘാടനം ചെയ്യുന്നു