ഡി.വൈ.എഫ്.ഐ പ്ലാസ്റ്റിക് ചലഞ്ച്

ചെങ്ങന്നുർ: ഡി.വൈ.എഫ്.ഐ ചെങ്ങന്നൂർ ബ്ലോക്ക്‌ സമ്മേളനത്തോടനുബന്ധിച്ച് അങ്ങാടിക്കൽമല യൂനിറ്റിന്റെ നേതൃത്വത്തിൽ പ്ലാസ്റ്റിക് ചലഞ്ച് നടത്തി. എം.സി റോഡിൽ ഐ.ടി.ഐ ജങ്​ഷൻ മുതൽ ചെങ്ങന്നൂർ നന്ദാവനം ജങ്​ഷൻ വരെയുള്ള പ്ലാസ്റ്റിക് മാലിന്യങ്ങൾ നീക്കി ഹരിതകർമ സേനയെ ഏൽപിച്ചു. ഡി.വൈ.എഫ്.ഐ ചെങ്ങന്നൂർ ഈസ്റ്റ് മേഖല പ്രസിഡന്‍റ്​ ഗോകുൽ കേശവ് ഉദ്ഘാടനം ചെയ്തു. വിഷ്ണു കൊച്ചുമോൻ അധ്യക്ഷത വഹിച്ചു. എമിൽ മാത്യു, നവീൻ സി. ജോർജ്, അശ്വിൻ എന്നിവർ സംസാരിച്ചു.